ФІФА апраўдала Валерыя Шанталосава

Источник материала:

Вядомы ў мінулым галкіпер Валеры Шанталосаў апраўданы рашэннем дысцыплінарнага камітэта ФІФА. Пра гэта паведамляе сайт "Футбол СНД".

Нагадаем, 19 снежня 2008 года Беларуская федэрацыя футболу прызнала Шанталосава "персонай нон-грата" і забараніла яму займацца футбольнай дзейнасцю па ўсім свеце. Нагодай стала падазрэнне ў тым, што футбаліст удзельнічаў у арганізацыі дамоўных матчаў.

ФІФА прызнала дзеянні Беларускай федэрацыі незаконнымі і неадпаведнымі статуту ФІФА. Цяпер Валеры Шанталосаў можа займацца любой футбольнай дзейнасцю ў краінах, якія знаходзяцца пад эгідай ФІФА.