БАТЭ разбамбіў "Хабнарф'ёрдзер"

Источник материала:

Футбалісты барысаўскага БАТЭ з лікам 5:1 атрымалі перамогу над ісландскім клубам "Хабнарф'ёрдзюр" у першым матчы 2-га кваліфікацыйнага раунда Лігі чэмпіёнаў УЕФА. Гульня прайшла 14 ліпеня ў Барысаве ў прысутнасці 5.200 гледачоў.Мячы забілі: у БАТЭ — Павел Няхайчык (на 48-й хвіліне), Рэнан Брэсан (на 58-й), Павел Няхайчык (на 85-й і 88-й), Віталь Радзівонаў (на 90-й); у "Хабнарф'ёрдзюра" — Атлі-Відар Б'ёрнсан (на 89-й).

Склад БАТЭ: Верамко, Ліхтаровіч (капітан) (Аляхновіч, 62), Шытаў, Юрэвіч, Канцавы (Скавыш, 78), Брэсан (Валадзько, 68), Няхайчык, Радзькоў, Паўлаў, Бардачоў, Радзівонаў. Папярэджанні ў гаспадароў атрымалі Радзькоў (23), Шытаў (28) і Канцавы (75). У складзе гасцей жоўтая картка ў варатара Гунлейфсана (31) — за зацяжку часу.

Статыстыка матчу (падлік БелаПАН): удары па варотах — 19:10, з іх у створ варот — 10:5, вуглавыя ўдары — 9:2, штрафныя ўдары — 15:9, афсайды — 2:1, укідванні з аўта — 23:19.

Сустрэча ў адказ пройдзе 21 ліпеня ў Ісландыі.