Пакарылі «Пік»

Источник материала:

2 кастрычніка ў Мінску прайшоў другі матч групавога турніру гандбольнай Лігі чэмпіёнаў. «Дынама» прымала венгерскі «Пік» і выйграла з лікам 33:29 (13:16).

Першы тайм, між іншым, быў досыць бязрадасным. З пачаткам гульні «Пік» паціху пераняў гульню ў свае рукі і пакрысе нарошчваў перавагу. У другой палове 1-га тайма венгры з дапамогай славака Францішка Шульца наогул закінуў чатыры мячы запар,

і лік стаў для беларусаў катастрафічным 9:15.

«Дынама» паспрабавала дагнаць, скараціла лік да 13:15, але зраўняць не ўдалося, і пры ліку 13:16 каманды пайшлі на перапынак.

***

Зраўняць лік удалося ў пачатку 12-й хвіліны другога тайма — 21:21, і «Пік» узяў тайм-аут.

Не дапамагло, нашы праз некалькі хвілін выйшлі наперад (23:22, Кажанеўскі) і нават адарваліся з розніцай у два мячы (24:22), але венгры хутка, закінуўшы тры мячы запар, выйшлі наперад — 24:25.

Ну, а потым пайшлі арэлі: мы — яны, яны — мы, мы — яны, мы, мы.

На 22-й хвіліне 2-га тайма нашы павялі два мячы (28:26, а потым і 29:27, 30:27, 30:28),

нашы дацярпелі, разважліва давёўшы матч да перамогі — 33:29.

Найлепшым у нашай камандзе быў Сяргей Ануфрыенка (9 мячоў), Барыс Пухоўскі (8 мячоў), і наш галкіпер Валянцін Кашавой, які бліскуча адгуляў у варотах.

***

Нагадаем, што ў мінулую нядзелю, 26 верасня, «Дынама» на сваёй пляцоўцы саступіла іспанскаму «Вальядаліду» — 30:35.

Наступны матч «Дынама» правядзе 7 кастрычніка ў Мінску супраць «Чэхаўскіх мядзведзяў» (Расія) . Пачатак у 19:30.

У наступны раўнд выходзіць чатыры каманды з групы, у якой гуляюць таксама швейцарскі «Кадэтэн» і дацкі «Ольбарг»