Для міжнародных спаборніцтваў

Рэспубліканскі цэнтр “Раўбічы” з’яўляецца цудоўнай пляцоўкай для правядзення міжнародных спаборніцтваў па біятлоне. Аб гэтым на цырымоніі адкрыцця чэмпіянату Еўропы сказаў генеральны сакратар IBU Ніклас Карлсан.Намеснік міністра спорту і турызму Беларусі Аляксандр Баравуля выказаў удзячнасць Міжнароднаму саюзу біятланістаў за прадастаўленую магчымасць прыняць такія важныя спаборніцтвы. Чэмпіянат Еўропы па біятлоне стартаваў у сераду ў 13.00 кваліфікацыяй суперспрынту ў мужчын. Усяго ўдзел у кантынентальным форуме ў складзе 40 каманд прымаюць каля 300 спартсменаў.

27 лютага прайшлі супермікст і змешаная эстафета, 29 лютага пройдуць мужчынскія і жаночыя спрынты. Завершацца спаборніцтвы 1 сакавіка гонкамі праследавання.

БелТА.