МЗС Польшчы: Будзе чорны спіс

Источник материала:

Асобы, датычныя да рэпрэсій супраць беларускіх палякаў, не будуць мець дазволу на ўезд на тэрыторыю Польшчы. Такое рашэнне прыняло Міністэрства замежных справаў краіны па выніках нарады 15 лютага. Яго абвесціў віцэ-міністр замежных спраў Анджэй Крэмэр.

«Калі рэпрэсіі не спыняцца, мы будзем паступова рабіць крокі ў кірунку замарожвання адносінаў між Еўрасаюзам і Беларуссю», — дадаў ён.

Тэрміновая нарада ў МЗС Польшчы ў Варшаве была скліканая ў сувязі з затрыманнем актывістаў Саюза палякаў у Валожыне.

У нарадзе браў удзел і міністр замежных справаў краіны, патэнцыйны кандыдат у прэзідэнты Радаслаў Сікорскі.