Для самых родных і любімых
16.10.2018
—
Новости Культуры
|
Мама… Гэта слова, якое для большасці людзей з’яўляецца першым. Менавіта яна дае дзіцяці патэнцыял на ўсё жыццё і ў душы вечна моліцца за нас. У дачыненні да матулі кожны чалавек абавязаны праяўляць самае лепшае, што закладзена ў ім. Невыпадкова Дзень маці прыпадае на светлае свята – Пакроў Прасвятой Багародзіцы, такое значнае для мільёнаў людзей. У Тыдзень маці, які праходзіў з 8 па 14 кастрычніка, у кожнай установе адукацыі раёна стараліся арганізаваць як мага больш яркіх, насычаных і значных мерапрыемстваў, зрабіць добрых і карысных спраў, каб зноў і зноў нагадаць сваім матулям пра тую любоў і пяшчоту, якую кожнае дзіця нясе ў сваім сэрцы. У школах прайшлі класныя і інфармацыйныя гадзіны, прысвечаныя самаму блізкаму і дарагому чалавеку, а таксама палітыцы Рэспублікі Беларусь па пытаннях мацярынства і дзяцінства, былі праведзены майстэрні па вырабе падарункаў да свята, аформлены выставы дзіцячых малюнкаў і вершаў, адрасаваных сваім мамам. Адбыліся разнастайныя акцыі, арганізаваныя валанцёрскімі атрадамі БРПА і БРСМ, а таксама была аказана шэфская дапамога адзінокім жанчынам, якім так патрэбна ўвага. У многіх навучальных установах запушчана Інтэрнэт-флэш-акцыя «Мая мама самая лепшая, таму што…» Дашкольныя ўстановы таксама праявілі творчую актыўнасць. Малышы рыхтавалі для сваіх любімых матуль прыемныя сюрпрызы: ляпілі з пластыліну і салёнага цеста, малявалі, выраблялі папяровыя аплікацыі і паштоўкі. Спартыўныя святы з удзелам маці нагадалі яшчэ раз пра тое, як прыемна і карысна рабіць нешта разам. Вынікам правядзення Тыдня сталі сямейныя святы, фотавыставы, святочныя канцэрты, якія надалі яшчэ больш значнасці і ўрачыстасці таму, што адбывалася. Кацярына КАРОЛЬ, метадыст упраўленняпа адукацыі, спорцеі турызме райвыканкама Чтобы разместить новость на сайте или в блоге скопируйте код:
На вашем ресурсе это будет выглядеть так
Мама… Гэта слова, якое для большасці людзей з’яўляецца першым. Менавіта яна дае дзіцяці патэнцыял на ўсё жыццё і ў душы вечна моліцца за нас. У дачыненні...
|
|