Навіны Мядзельшчыны

Источник материала:

У АДДЗЯЛЕННІ дзённага знахо­джання інвалідаў ТЦСАН прайшло святочнае мерапрыемства, прымеркаванае да Дня маці. Называлася яно «Цеплыня мацярынскага сэрца». Наведвальнікі аддзялення чыталі вершы.  Была вялікая конкурсная праграма, у якой удзельнічалі мамы і дзеці. Кожная матуля атрымала ў падарунак букет кветак з бісеру, які зрабілі самі наведвальнікі.

 ♦  ♦  ♦

УМЯДЗЕЛЬСКІМ музеі народнай славы праходзіць выстава «У дапамогу гаспадыні». На выставе прадстаўлены прадметы, якімі карысталіся беларускія жанчыны ў паўсядзённым жыцці больш за сто гадоў таму. Гэта экспанаты з фондаў музея. Прымеркавана выстава да Дня маці.

  ♦  ♦  ♦

У СУБОТУ, 21 кастрычніка, у памяшканні Мядзельскай СШ №1 імя
У. Дубоўкі адбудзецца раённы шахматна-шашачны турнір на прызы раённага аб’яднання прафсаюзаў. Пачатак — у 10 гадзін.