«Мiнская лыжня-2003» абяцае быць не толькi снежнай i марознай, але i цiкавай

Источник материала:

Дырэктар САК «Раўбiчы» Аляксандр Хандогiн выказаў вялiкае задавальненне тым, што на гэты раз не прыйдзецца аб’яўляць аўрал з-за дэфiцыту снежнага покрыва, хоць на ўсякi «пажарны выпадак» напагатове будуць i снежныя пушкi. Аляксандр Пятровiч зазначыў, што лыжныя спаборнiцтвы «Мiнскай лыжнi» пройдуць на высокiм арганiзацыйным узроўнi. Старт i фiнiш удзельнiкаў свята будуць праходзiць на стадыёне комплексу, а вось, напрыклад, 5-кiламетровая траса вынесена за яго межы i пракладзена па жывапiсных мясцiнах.

Сваё майстэрства ўдзельнiкам i гасцям свята пакажуць прадстаўнiкi сноўбарда i фрыстайла, фальклорныя калектывы. Безумоўна, не лiшнiм будзе i выязны гандаль.

Што датычыцца спартыўнай часткi праграмы, то ў Мiнспорту зазначылi: пачынаючы з 10.30 у спаборнiцтвах возьмуць удзел спартыўныя сем’i, школьнiкi старэйшых класаў, навучэнцы ПТВ, студэнты ВНУ, прадстаўнiкi працоўных калектываў, ваеннаслужачыя i наогул усе жадаючыя. Бадай, асаблiвую цiкавасць у прысутных выклiча старт кiраўнiка дзяржавы. Пакуль яшчэ невядома, у якiм «фармаце» выступiць Аляксандр Лукашэнка: пойдзе на трасу ў складзе эстафеты, рызыкне прабегчы 5-кiламетроўку цi паўдзельнiчае ў прэзiдэнцкай гонцы. Аднак вiдавочна адно, што яго прысутнасць на «Мiнскай лыжнi» падштурхне да дасягнення высокiх вынiкаў чыноўнiкаў з каманд прэзiдэнта, гарвыканкама, Мiнспорту, Адмiнiстрацыi Прэзiдэнта, Дзяржаўнага сакратарыята Савета Бяспекi, Палаты прадстаўнiкоў Нацыянальнага сходу РБ, Мiнiстэрства ўнутраных спраў, Камiтэта дзяржбяспекi...