Завершаная мелодыя для «механiчнага» дуэта

Источник материала:

Муз-news

Большасць слухачоў ведаюць «Механiку» найперш па клiпу на песню «Пiсьмо», знятаму тэлекампанiяй «ВаенТБ». Летась гэты клiп на працягу трох месяцаў быў самым папулярным па заказах на «1-м музычным». «Приснилось, что весной на дембель я домой иду, и расцвели красиво вишни в нашем маленьком саду», — нескладаныя радкi вывучылi на памяць ледзь не першакласнiкi. У сувязi з гэтым уношу неабходнае тлумачэнне: хлопцы не служылi (яны пакуль што вучацца ў БНТУ на 4 i 5 курсе адпаведна, Ягор мае таксама адукацыю пекара-кандытара, а Дзiма працаваў на заводзе). У «армейскую» нiшу яны трапiлi шляхам эксперыменту, аднак вельмi ўдала. Настолькi ўдала, што пазней разам з Ансамблем песнi i танца Узброеных Сiл Беларусi аб’ехалi практычна ўсю краiну, а таксама ўзялi ўдзел у маскоўскiх фестывалях «Вiват, Перамога!» i «Вiват, Вiкторыя!» (узялi Гран-пры). Зараз Ягор з Дзiмам атрымалi запрашэнне на армейскi фестываль СНД у Туле. Публiцы «Механiка» спадабалася, а тамтэйшая прэса нават ахрысцiла гурт «беларускай дыскатэкай «Аварыя».

— З кiм яшчэ нас параўноўваюць? — перапытвае Дзiма. — Большасць прыгадвае «Дыскатэку «Аварыя», «Рукi ўверх» i «Адпетых машэннiкаў». Некаторыя называюць «Любэ». А яшчэ «Чай удваiх». Мы не звяртаем увагi, калi кажуць, што мы да некага падобныя — проста спрабуем працаваць у розных стылях.

— Я лiчу, калi нас параўноўваюць з «Дыскатэкай «Аварыя» i iншымi папулярнымi расiйскiмi гуртамi, гэта, у прынцыпе, няблага, — дадае Ягор. — Значыць, мы дасягнулi пэўнага ўзроўню.

24 кастрычнiка кампанiя «Рecord Service» выпусцiла першы паўнавартасны альбом гурта — «Прыгоды», куды ўвайшлi ўсе вядомыя песнi — ад бессмяротнага «Пiсьма» да ўжо згаданай «Трактарыны». У гэты ж дзень хлопцы правялi аўтограф-сесiю для прыхiльнiкаў. А 26 кастрычнiка ў сталiчным клубе «Рэактар» прайшла прэзентацыя альбома (пры ўдзеле Алены Грышанавай, Аляксея Хлястова, Улялюм, гуртоў «Тяни-Толкай» i «Медуза», брэйк-каманды «Street Masters» i г.д.).

Напалову зняты наступны клiп гурта — на песню «Прыгоды»; на чарзе стаiць кампазiцыя «Аблокi». А ў перспектыве хлопцы, хоць i аддаюць перавагу «жорсткай танцавальнай музыцы», плануюць выпусцiць у зборнiку цi асобным сiнглам лiрычную песню «Мацi».