Главная
Гороскопы
У Блiзнят вельмi спрыяльны перыяд для вырашэння ўсiх праблем без выключэнняЭКСЛIБРЫС «ЗВЯЗДЫ» Iмя Анатоля Нятылькiна вядомае як у нашай краiне, так i за яе межамi. Жыццё Анатоля Iванавiча — сапраўдны подзвiг вельмi мужнага чалавека. I гэта не патэтыка, не прыгожыя словы. Дзiця вайны, адзiнаццацiгадовы хлопчык спрабаваў разабраць адзiн з патронаў, якiмi на пачатку 50-х была ўсыпана ўся наша зямля. Раздаўся выбух — i святло для Толi Нятылькiна пагасла назаўсёды. Але нават у вечнай цемры ён здолеў знайсцi свой светлы i шырокi шлях, якому могуць пазайздросцiць многiя вiдушчыя. Сляпы чалавек закончыў школу, два iнстытуты, стаў кiраўнiком Беларускага таварыства iнвалiдаў па зроку, дэпутатам парламента, сустрэў у жыццi сапраўднае каханне, выгадаваў дзяцей, дачакаўся ўнукаў. Пра гэта поўнае пераадолення цяжкасцяў жыццё сапраўды варта было напiсаць кнiгу.Уладзiмiр Лiпскi зрабiў гэта, яшчэ калi Анатоль Iванавiч быў жывы. Галоўны герой паспеў прачытаць «Сына дня» i нават напiсаць апошнi раздзел у кнiзе. «Я люблю жыццё! Я люблю людзей!» — лейтматывам гучыць у тым раздзеле прызнанне сляпога вiдушчага. I ягоны запавет усiм нам: «Жывiце i радуйцеся кожнаму iмгненню. Жыццё, якое нi ёсць, — чароўнае свята. Жыццё — дар Божы!..» Але выдадзеную кнiгу Анатоль Нятылькiн патрымаць у руках ужо не змог — не дажыў. А аўтару давялося дапiсваць горкiя радкi з жалобным незваротным дзеясловам «быў». Кнiга змяшчае два варыянты — беларускi (уласна аўтарскi) i рускi (у перакладзе Любовi Кудравец). Цiкава вырашана аўтарам афармленне раздзелаў кнiгi: назвы iх пачынаюцца строга ў алфавiтным парадку — у жыццi сляпых людзей азбука Брайля значыць, напэўна, нашмат больш, чым нашы лiтары для нас. Эпiграфам да кожнага раздзела служаць радкi з «Iлiяды» i «Адысеi» — твораў старажытнагрэчаскага паэта Гамера, якi, калi меркаваць па звестках, што дайшлi да нас з глыбокай даўнiны, таксама быў сляпы. «Сын дня» — кнiга для ўсiх, хто жадае навучыцца цанiць кожнае iмгненне жыцця»,— сказана ў анатацыi да выдання. А калi карацей i прасцей — цi не для кожнага з нас.
Чтобы разместить новость на сайте или в блоге скопируйте код:
На вашем ресурсе это будет выглядеть так
Усходнi гараскоп на тыдзень |
|