Раство Хрыстова — дзень нараджэння Ярылы

Источник материала:

Вакол канфлiкту

Апошнiмi днямi крызiсныя падзеi дасягнулi свайго апагея i ў паветры сталi лунаць iдэi накшталт «Песняроў-3». Стала вядома пра катэгарычную нязгоду творчых супрацоўнiкаў з прызначэннем на пасаду дырэктара ансамбля Валерыя Скаражонка. 28 лiпеня ён прыступiў да выканання сваiх абавязкаў. Пасля чаго з’явiлася адкрытае пiсьмо ўдзельнiкаў «Песняроў» да прэзiдэнта краiны з просьбай разабрацца ў сiтуацыi. I толькi 3 верасня артысты падалi заявы аб звальненнi з ансамбля. Намеснiк дырэктара «Песняроў» Свечкiн падпiсаў гэтыя заявы. Але ў мiнiстэрстве прызналi яго дзеяннi несапраўднымi, бо на гэта мае права толькi дырэктар. Лiтаральна ўчора Скаражонак пацвердзiў гэта на сустрэчы з Леанiдам Гулякам. Але гарантыi, што такiя заявы неўзабаве не пакладуць яму на стол, няма. I тады дырэктар можа застацца без падначаленых.

— Пасля смерцi Мулявiна мы вырашылi раз’яднаць функцыi мастацкага кiраўнiка i дырэктара ансамбля, — так пракаменцiраваў апошнiя рашэннi Мiнiстэрства культуры Леанiд Гуляка. — Дырэктар — гэта чалавек, якi адказвае за матэрыяльна-тэхнiчную i фiнансава-гаспадарчую дзейнасць. Мы лiчым, што Валерый Скаражонак — той чалавек, якi можа весцi гаспадарчую дзейнасць. У такой жа справе важна знайсцi чалавека, якому можна давяраць. З iм заключаны кантракт тэрмiнам на адзiн год. Яго папярэдзiлi, што праз год паглядзiм на вынiкi i вернемся да размовы, каб вырашыць, цi варта прадаўжаць яго кантракт. Музычным кiраўнiком «Песняроў» быў прызначаны Вячаслаў Шарапаў, але гэта зусiм не тое, што мастацкi кiраўнiк. На сённяшнi дзень у «Песнярах» застаецца вакантным месца мастацкага кiраўнiка. Вядома, аўтарытэтнага лiдара, падобнага на Мулявiна, няма. I сярод цяперашнiх «Песняроў», па вялiкаму рахунку, няма фiгур, якiя могуць лiчыць сябе правапераемнiкамi таго самага першага складу, як, напрыклад, Вячаслаў Мiсевiч у «Беларускiх песнярах».

Мiж iншым з’яўленне «Беларускiх песняроў» таксама было сведчаннем крызiсу, якi стварыўся яшчэ пры жыццi Уладзiмiра Мулявiна. Найбольш дзеяздольны i прафесiйны, гэты калектыў арыентуецца на расiйскi музычны рынак. Згодна з беларускiмi законамi, у нас такi ансамбль нават не зарэгiстраваны. Таварыства з абмежаванай адказнасцю «Беларускiя песняры» зарэгiстравана ў Маскве, бо грамадзянiнам Расii з’яўляецца дырэктар гурта. У нашай жа краiне таварны знак замацаваны за Дзяржаўным ансамблем «Песняры». Паводле слоў Леанiда Гулякi, мiнiстэрства не процiпастаўляе «Песняроў» i «Беларускiх песняроў» — усiм будзе адкрытая дарога ў цэнтр iмя Мулявiна, таму ж Леанiду Барткевiчу з таварышамi, калi пажадаюць. Але задача мiнiстэрства — iмкнуцца мець адзiны калектыў. Захады для гэтага таксама робяцца, мiнiстр неаднойчы сустракаўся з удзельнкiамi «Беларускiх песняроў». Iмкненне мiнiстэрства зразумець можна. Бо, на жаль, iх прыклад можа натхнiць iншых да стварэння яшчэ аднаго калектыву з выкарыстаннем назвы «Песняроў».

— Па маiх звестках, многiя там ужо перадумалi наконт свайго зыходу, — Леанiд Гуляка не губляе аптымiзму вырашыць сiтуацыю разумна i без лiшнiх эмоцый. — Але ўжо створаны экспертны савет па фармiраванню творчага складу «Песняроў». У яго ўвайшлi Уладзiмiр Ткачэнка, адзiн з былых удзельнiкаў ансамбля, якi цяпер працуе ў Дзяржаўным канцэртным аркестры. Таксама вядомыя музычныя дзеячы, такiя як Эскiн, Захлеўны, Зарыцкi, Казiнец, Гiльдзюк. Новы мастацкi кiраўнiк i музычны кiраўнiк Вячаслаў Шарапаў будзе працаваць над прыцягненнем моладзi ў цэнтр iмя Мулявiна. Думаем, што можна запрасiць пераможцу «Славянскага базара ў Вiцебску» гамяльчанiна Максiма Сапацькова. Таксама салiстам Дзяржаўнага канцэртнага аркестра Дзмiтрыю Качароўскаму i Уладзiмiру Аўчарову будзе прапанавана падумаць наконт такой працы. Праўда, гэта не значыць, што мы свядома пераманьваем iх ад Фiнберга. Нас турбуе тое, каб у вынiку атрымаўся прафесiйны калектыў. Бо эстрада павiнна зарабляць сама на сябе. Якiх 15 гадоў таму «Песняры» кармiлi самi сябе i яшчэ забяспечвалi 80 працэнтаў дзейнасцi ўсёй фiлармонii. А апошнiм часам гэтага няма. За прайшоўшыя шэсць месяцаў «Песняры» запланавалi зарабiць на канцэртах усяго толькi 168 тысяч беларускiх рублёў. Хiба гэта дзяржаўны падыход? У стварэнне базы «Песняроў» было ўкладзена шмат сродкаў — у рамонт памяшкання, апаратуру для студыi, касцюмы, музычную гаспадарку. Быць незалежным ад дзяржаўных узаемаадносiнаў пры гэтым нельга.