Хроніка апошніх падзей

Источник материала:

У пакiстанскiм Кашмiры працягваюцца беспрэцэдэнтныя па маштабу выратавальныя работы па пошуку пацярпеўшых у вынiку самага моцнага i разбуральнага за стагоддзе землятрусу магутнасцю 7,6 бала па шкале Рыхтэра, якi адбыўся ў суботу.

Улады штата абвясцiлi, што ахвяр можа быць каля 30 тысяч, а прадстаўнiк ЮНIСЕФ у панядзелак ранiцай заявiў, што колькасць загiнуўшых складзе каля 40 тысяч чалавек. Землятрус закрануў кожнага другога жыхара Кашмiра. Колькасць пацярпеўшых перавышае 1 мiльён чалавек. Практычна поўнасцю разбураны гарады Музафарабад i Балакот, мноства горных вёсак сцёртыя з твару зямлi. У Пакiстане абвешчана трохдзённая жалоба. Улады iндыйскага штата Джаму i Кашмiр аб’явiлi, што ў вынiку землятрусу загiнулi каля 750 чалавек, пацярпелi больш за 3000 чалавек. Але яшчэ каля 10000 чалавек лiчацца прапаўшымi без вестак.

ПРЭЗIДЭНТА ПОЛЬШЧЫ ВЫЗНАЧЫЦЬ ДРУГI ТУР

Сёння ўжо зразумела, што прэзiдэнцкiя выбары ў Польшчы, якiя праводзiлiся ў нядзелю, так i не далi канчатковага адказу на пытанне: хто ж стане новым лiдарам дзяржавы. Усё вырашыць другi тур, куды выйшлi кандыдаты ад двух правых партый.

Усяго ў выбарах узялi ўдзел 12 кандыдатаў, з якiх, па папярэднiх звестках, першае месца займае лiдар партыi «Грамадзянская платформа» Дональд Туск, якi набраў 38,5 працэнта галасоў выбаршчыкаў. Далей iдзе мэр Варшавы Лех Качыньскi з 33,3 працэнта галасоў. Трэцяе месца дасталося старшынi партыi «Самаабарона» Анджэю Леперу, за якога прагаласавалi 13,2 працэнта выбаршчыкаў. Для перамогi ў першым туры аднаму з кандыдатаў неабходна было атрымаць больш за 50 працэнтаў галасоў. Такiм чынам, 23 кастрычнiка ў Польшчы адбудзецца другi, рашаючы тур, у якiм возьмуць удзел два кандыдаты, якiя набралi больш за iншых галасоў у першым туры. Хто з iх стане прэзiдэнтам краiны, вызначыць простая арыфметычная большасць.

Назіральнiкi адзначаюць крайне нiзкую яўку на выбары. Паводле папярэдняй iнфармацыi, яна не дацягнула нават да 50 працэнтаў.

НОВЫМ КАНЦЛЕРАМ ГЕРМАНII СТАНОВIЦЦА АНГЕЛА МЕРКЕЛЬ

Новым канцлерам Германii стане лiдар перамогшай на выбарах Хрысцiянска-дэмакратычнай партыi Ангела Меркель.

Адпаведная дамоўленасць дасягнута на перамовах прадстаўнiкоў ХДС i СДПГ. Канцлер Герхард Шродэр, якi кiраваў з 1998 года, вымушаны будзе пакiнуць сваю пасаду i свае прэтэнзii на ўладу.