Дзецi тлусцеюць ад... тэлепраглядаў

Источник материала:

Iнфарм-укол

Даследаванне 11 тысяч дзяцей у Вялiкабрытанii паказала, што рызыка атлусцення ўзрастае на 7 працэнтаў за кожную дадатковую гадзiну, праведзеную падчас выхадных ля тэлеэкрана. Большасць дзяцей ва ўзросце каля пяцi гадоў глядзелi тэлевiзар менш як дзве гадзiны ў дзень, а некаторыя сядзелi па чатыры i больш. Менавiта ў апошняй катэгорыi i развiлося атлусценне. Да 30 гадоў ад гэтага захворвання пакутавалi ўжо 11 працэнтаў даследуемых. Вучоныя тлумачаць, што гаворка iдзе пра недаравальную замену гульнi на свежым паветры i iншай фiзiчнай актыўнасцi, а таксама спрыяльныя абставiны для фармiравання мадэлi пасiўнага ладу жыцця.

«Iснуе дакладная сувязь памiж праглядам тэлевiзара i рызыкай атлусцення, — кажа Расел Вайнер, спецыялiст педыятрычнага аддзялення бальнiцы Мiдлсэкс у Лондане, якi ўзначальваў даследаванне. — Бацькi павiнны рабiць намнога больш для сваiх дзяцей, таму што iснуюць доказы таго, што можна навучыць дзяцей-дашкольнiкаў не глядзець тэлевiзар».

Пол Гейтлi, прафесар фiзiялогii i аховы здароўя ва Унiверсiтэце Лiдса, якi стаў пiянерам-прапагандыстам дзiцячых летнiх лагераў для пахудзення, адзначае: «Сапраўды, некаторыя дзецi глядзяць тэлевiзар па чатыры-пяць гадзiн штодня, аднак неабходна звярнуць увагу i на тое, чым яны займаюцца ў астатнi час».

Лячэнне холадам перамагае рак лёгкiх?

Брытанскiя ўрачы пачалi прымяняць крыя-тэрапiю, або лячэнне холадам для пацыентаў, хворых на рак лёгкiх. У Харфiлдскiм шпiталi ў Англii пры дапамозе такога спосабу былi ўцягнуты ў даследаванне 16 чалавек.

Сутнасць тэхналогii заключаецца ў тым, што цераз 12-сантыметровы разрэз непасрэдна ў пухлiну ўводзiцца прыбор, якi замарожвае яе вадкiм азотам. Ператворанае ў ледзяны шарык ракавае ўтварэнне на працягу трох—шасцi месяцаў распадаецца i не наносiць шкоды пацыенту. Метад асаблiва эфектыўны для лячэння пацыентаў з ранняй стадыяй раку, якiя не могуць падвяргацца звычайнай аперацыi. Акрамя таго, ён малаiнвазiўны, а значыць, пацыент можа пакiнуць клiнiку на чацвёрты дзень пасля аперацыi.

Крыятэрапiя выкарыстоўваецца ў розных галiнах медыцыны, але англiйскiя ўрачы сталi першымi, хто прымянiў гэты метад для лячэння раку лёгкiх. Аднак спецыялiсты мяркуюць, што неабходна больш дэталёва вывучыць перавагi крыятэрыпii ў параўнаннi з такiмi методыкамi лячэння анкалагiчных захворванняў, як радые- i хiмiятэрапiя.