Главная
Гороскопы
Добра смяецца той, хто валодае «Камедыяй»
Вiкторыя ЦЕЛЯШУК
Знакамiтыя спектаклi «Арт» i «Камедыя» з таго часу, як Малы тэатр закрыўся, фактычна засталiся без гаспадара. I гэта пры тым, што на 500 паказах «Арт» 500 разоў збiраў аншлагi, а зала на «Камедыi» была перапоўненая амаль 15 гадоў!
Былы галоўны рэжысёр былога Малога тэатра Iгар Забара гатовы быў звяртацца па дапамогу хоць да каго. Але крайнiя меры не спатрэбiлiся — просьбу пачулi бiзнэсмены. Дакладней, генеральны дырэктар Выдавецкага дома «Мэджык» Юрый Будзько. У вынiку практычна сам па сабе стварыўся... прадзюсарскi цэнтр «Magic Max». Першай афiцыйнай справай новага цэнтра стане вяртанне пастаноўкi «Арт» гледачам. Адбылася гэта падзея 1 лiстапада ў памяшканнi Купалаўскага тэатра. Акрамя ўласна спектакля наведвальнiкам прапануюць фотавыставу, выставу жывапiсу, адмысловы канцэрт i «камерны» паказ мод. Вядучым гэтай тэатральнай вечарынкi абраны Ягор Хрусталёў. Далей каманда «Мэджык Макс», якая паспела ўжо назбiраць мноства прывабных прапаноў, прыступiць да падрыхтоўкi новага спектакля (сцэнарый зараз распрацоўвае Мiкалай Пiнiгiн). У ведамстве прадзюсарскага цэнтра будуць знаходзiцца таксама арганiзацыя канцэртаў (прашу заўважыць: айчынных выканаўцаў!), модныя тусоўкi кшталту адроджанага фестывалю авангарднай моды «Мамант» i ўсякiя дробныя i буйныя шоу. За тэатральна-вiдовiшчную частку работы адказвае сам Юрый Будзько, а музычны накiрунак дзейнасцi «Magic Max» будзе курыраваць прадзюсар Макс Алейнiкаў (стваральнiк моднага на дадзены момант дзявочага трыо «Топлес» i iдэйны кiраўнiк спевака Сашы Нэма).
Чтобы разместить новость на сайте или в блоге скопируйте код:
На вашем ресурсе это будет выглядеть так
Знакамiтыя спектаклi «Арт» i «Камедыя» з таго часу, як Малы тэатр закрыўся, фактычна засталiся без гаспадара |
|