Баба Ганна, унучка Каця — тыповая карцiна

Источник материала:

У дзесятак найбольш распаўсюджаных прозвiшчаў таксама ўвайшлi Новiкаў, Краўчанка, Iваноў, Зайцаў, Бандарэнка, Каваленка i Пiнчук. Як можна заўважыць, сiтуацыя ў Беларусi адпавядае сусветнай, бо, як вядома, у свеце найбольш пашыранае прозвiшча Smith, што таксама ўказвае на дачыненне яго пачынальнiкаў да прафесii каваля.

Можна таксама заўважыць, што найбольшае распаўсюджанне атрымалi менавiта прозвiшчы, якiя ўказваюць на прафесiю. Так у дваццатцы мы можам таксама сустрэць Ганчаровых, Краўцовых, Шаўцовых. Дарэчы, прозвiшча аўтара гэтых радкоў аказалася даволi рэдкiм для Гомельшчыны, бо яго не ўдалося знайсцi ў спiсе 1000 найбольш распаўсюджаных.

Разам з прозвiшчамi аналiзавалiся iмёны. Высветлiлася, што на статус iмя ўсiх часоў i народаў прэтэндуе iмя Аляксандр. Сярод прааналiзаванай колькасцi людзей выяўлена амаль 50 тысяч носьбiтаў гэтага iмя. Таксама папулярныя Сяргей i Уладзiмiр — 35.311 i 32.103 адпаведна. Найбольш сустракаемыя жаночыя iмёны — Таццяна (37.069), Алена (35.038) i Наталля (32.057).

Прынамсi ў пачатку мiнулага стагоддзя мода была iншая. Сярод людзей, якiя нарадзiлiся да 1920 года, найчасцей сустракаюцца Iваны, Мiхасi ды Мiкалаi, а таксама Ганны, Марыi i Вольгi.

А вось у 1991—2000 гадах хлопчыкаў найчасцей называлi Аляксандрамi (1413 чалавек), Дзмiтрыямi (1220), Яўгенамi (869), Сяргеямi (843) i Андрэямi (813), дзяўчынак — Кацярынамi (1232), Настассямi (1208), Юлямi (1069), Вольгамi (940) i Таццянамi (853).

Аўтары даследавання лiчаць, што карцiна на Гомельшчыне неiстотна адрознiваецца ад становiшча ў iншых рэгiёнах Беларусi. Таму яны сцвярджаюць, што вынiкi iх працы можна праецыраваць i на ўсю Беларусь.