Прэс-цэнтр Пракуратуры распаўсюдзiў паведамленне для прэсы наконт судовага прыгавору ў адносiнах да

Источник материала:

У сувязi з гэтым прэс-цэнтр Пракуратуры лiчыць неабходным заявiць наступнае. Крымiнальная справа ў адносiнах да В.Iгнатовiча, М.Малiка, А.Гуза i С.Савушкiна расследавалася следчай групай рэспублiканскай Пракуратуры, i 14 сакавiка судовая калегiя па крымiнальных справах Мiнскага абласнога суда вынесла прыгавор па справе. У ходзе судовага разбору крымiнальнай справы знайшлi пацвярджэнне доказы стварэння ўзброенай банды i выкрадання 7 лiпеня 2000 года Iгнатовiчам i Малiкам аператара ГРТ Дзмiтрыя Завадскага. Яны таксама прызнаны вiнаватымi ў разбойным нападзе 9 снежня 1999 года ў горадзе Жодзiне на кватэру Толсцiк Л.М., нанясеннi пры гэтым цяжкiх цялесных пашкоджанняў Барысаву I.П., разбойным нападзе разам з Гузам i наўмысным забойстве Ясько Л.I. у горадзе Барысаве. Асуджаны Савушкiн прызнаны вiнаватым у замаху на адкрыты крадзеж (рабаванне) маёмасцi жыхаркi Мiнска Харашкевiч А.А., учыненым 25 лiпеня 1998 года.

Па сукупнасцi ўчыненых цяжкiх злачынстваў, з улiкам абцяжваючых вiну абставiнаў, суд абгрунтавана, гаворыцца ў прэс-рэлiзе прэс-цэнтра Пракуратуры, прыгаварыў В.Iгнатовiча i М.Малiка да вышэйшай меры пакарання — пажыццёвага зняволення ў калонii асобага рэжыму з канфiскацыяй маёмасцi; А Гуза — да 25 гадоў пазбаўлення волi ў калонii строгага рэжыму з канфiскацыяй маёмасцi; С.Савушкiна — да 12 гадоў пазбаўлення волi ў калонii строгага рэжыму з канфiскацыяй маёмасцi. На думку суда, не знайшлi пацвярджэння пастаўленыя абвiнавачаным эпiзоды ўчынення ў сакавiку 2000 года разбойнага нападу i забойстваў пяцi грамадзян Азербайджана ў Мiнску, а Iгнатовiчу, акрамя таго, выкраданне жыхара Мар’iнай Горкi Котава В.А. i разбойны напад i забойства Сайко Л.В. у вёсцы Кавалёва Пухавiцкага раёна.

Пракуратурай Рэспублiкi Беларусь вывучаецца вынесены па справе прыгавор i ў адпаведнасцi з заканадаўствам будзе прынята рашэнне аб яго законнасцi, гаворыцца ў паведамленнi для прэсы.