Да штурму Багдада ўсё гатова

Источник материала:

У той жа час iракскiя ўлады абверглi паведамленне амерыканскага ваеннага камандавання аб паспяховым наступленнi войскаў каалiцыi на Багдад. Мiнiстр iнфармацыi Iрака Мухамед Саiд ас-Сахаф сказаў: «Мы гатовы сустрэць iх у Багдадзе, аднак паведамленнi аб iх прасоўваннi наперад не адпавядаюць рэчаiснасцi». Былы намеснiк мiнiстра абароны СССР генерал-палкоўнiк В. Ачалаў, якi неаднаразова бываў у Iраку, учора адзначыў: «Чым больш настойлiва амерыкана-брытанскiя войскi асаджаюць i бамбяць гарады i паселiшчы Iрака, чым больш ахвяр аказваецца ў мiрнага насельнiцтва, тым больш прыкметным становiцца тое, што каалiцыйныя сiлы сутыкнуцца ў гэтай краiне з яўна iмi не пралiчаным шырокiм народным супрацiўленнем». Цiкава, што такой жа думкi прытрымлiваецца ўплывовы амерыканскi часопiс «Уол-стрыт джорнэл». «Ёсць небяспека,— пiша выданне,— што iракскiя войскi праводзяць толькi перагрупоўку сваiх сiл, заманьваючы амерыканскiя злучэннi ў партызанскую вайну ў горадзе».

Учора цэнтральнае камандаванне ўзброеных сiл ЗША пацвердзiла гiбель знiшчальнiка «Хорнэт» у паўднёвай частцы Iрака. Самалёт быў збiты ракетай паблiзу горада Кербелы. Было таксама паведамлена аб гiбелi двух амерыканскiх салдат каля Багдада.

Мiнiстр абароны Злучаных Штатаў Дональд Рамсфельд заявiў на брыфiнгу, што на працягласць бiтвы за Багдад уплываюць некалькi фактараў. Паводле яго слоў, гэта будзе, у прыватнасцi, залежаць ад «хуткасцi распаду багдадскага рэжыму i яго ўзброеных сiл, а таксама ад перакананасцi iракскага народа ў тым, што з Садамам Хусейнам пакончана». А старшыня аб’яднанага камiтэта начальнiкаў штабоў генерал Маерс запэўнiў, што неспрыяльныя ўмовы надвор’я — такiя як спякота i пылавыя буры, не адаб’юцца на хуткасцi наступлення на Багдад.

Тым часам лiдэр расiйскiх камунiстаў Г. Зюганаў лiчыць, што агрэсiя ЗША супраць Iрака прывядзе да росту гонкi ўзбраенняў у свеце. «Гэта вайна прымушае задумацца аб сваёй бяспецы цэлыя краiны i народы,— заявiў ён.— Гэта будзе не толькi гонка ўзбраенняў, але i рост бескантрольнай напружанасцi з самымi цяжкiмi наступствамi». Г. Зюганаў заявiў, што многiя дзяржавы ў такiх варунках вымушаны будуць спрабаваць атрымаць ядзерную i хiмiчную зброю па прыкладу Паўночнай Карэi. «Паўночную Карэю Злучаныя Штаты бамбiць не будуць: у яе ёсць ракеты, якiя даляцяць да Паўднёвай Карэi i Японii, дзе размешчаны буйныя злучэннi амерыканскiх войскаў»,— лiчыць кiраўнiк КПРФ.