Поезд пайшоў...

Источник материала:

КВАТЭРНАЕ ПЫТАННЕ

Т. Б., г.Рэчыца.

У адпаведнасцi з указамi Прэзiдэнта Рэспублiкi Беларусь ад 10 верасня 1996 г. № 358 i ад 14 красавiка 2000 г. № 185 маладыя сем’i, а таксама маладыя грамадзяне з лiку адзiнокiх мацi, разведзеных (аўдавелых) мужа цi жонкi, якiя выхоўваюць непаўналетнiх дзяцей, у тым лiку пражываючых сумесна з бацькамi (незалежна ад узроўню забяспечанасцi жылой плошчай), у iнтэрнатах, у службовых жылых памяшканнях, па дагавору паднайму ў дамах дзяржаўнага жыллёвага фонду або па дагавору найму ў дамах прыватнага жыллёвага фонду (незалежна ад працягласцi пражывання), маюць права на сумеснае выкарыстанне льготнага крэдыту i аднаразовай беззваротнай субсiдыi на будаўнiцтва (рэканструкцыю) або набыццё жылых памяшканняў.

Пад маладымi грамадзянамi маюцца на ўвазе асобы ва ўзросце да 31 года, а пад маладымi сем’ямi — сем’i, у якiх муж цi жонка знаходзiцца ва ўзросце да 31 года на момант прыняцця на ўлiк на паляпшэнне жыллёвых умоў. Да членаў сям’i маладога грамадзянiна (маладой сям’i) адносяцца яго муж (незалежна ад узросту) i iх дзецi. Упершыню норма аб сумесным выкарыстаннi субсiдыi i льготнага крэдыту была ўведзена Указам Прэзiдэнта Рэспублiкi Беларусь ад 10.09.1996 г. № 358 i пастановай Кабiнета Мiнiстраў Рэспублiкi Беларусь ад 22.11.1996 г. № 744. Пунктам 8 гэтага Указа ўпершыню ўведзены i асобны ўлiк на паляпшэнне жыллёвых умоў маладых сем’яў.

На момант увядзення ў дзеянне ўказаных iльгот для маладых сем’яў заяўнiцы было 42 гады i яна не магла быць аднесена да катэгорыi маладых грамадзян.