УКАЗ Прэзiдэнта Рэспублiкi Беларусь № 408

Источник материала:

(Вытрымка)

У мэтах удасканалення сiстэмы мераў па прадухiленню легалiзацыi даходаў, атрыманых незаконным шляхам, пастанаўляю:

1. Утварыць у Камiтэце дзяржаўнага кантролю Рэспублiкi Беларусь Дэпартамент фiнансавага манiторынгу (далей — Дэпартамент) з правамi юрыдычнай асобы.

2. Зацвердзiць прыкладзенае Палажэнне аб Дэпар-таменце фiнансавага манiторынгу Камiтэта дзяржаўнага кантролю Рэспублiкi Беларусь.

3. Устанавiць, што:

Дэпартамент камплектуецца за кошт агульнай колькасцi работнiкаў Камiтэта дзяржаўнага кантролю Рэспублiкi Беларусь, а таксама прыкамандзiраваных у выпадку неабходнасцi ваеннаслужачых, асоб радавога i начальнiцкага складу органаў унутраных спраў, органаў i падраздзяленняў па надзвычайных сiтуацыях;

умовы аплаты працы работнiкаў Дэпартамента зацвярджаюцца Саветам Мiнiстраў Рэспублiкi Беларусь.

4. Унесцi ва Указ Прэзiдэнта Рэспублiкi Беларусь ад 2 лiстапада 2001 г. № 617 «Аб мерах па ўдасканаленню сiстэмы органаў Камiтэта дзяржаўнага кантролю Рэспублiкi Беларусь» (Нацыянальны рэестр прававых актаў Рэспублiкi Беларусь, 2001 г., № 105, 1/3169) наступныя змяненнi i дапаўненнi:

4.1. для службовага карыстання;

4.2. структуру Камiтэта дзяржаўнага кантролю Рэспублiкi Беларусь пасля абзаца шостага дапоўнiць абзацам наступнага зместу: «Дэпартамент фiнансавага манiторынгу Камiтэта дзяржаўнага кантролю».

Абзацы сёмы — дваццаць чацвёрты названай структуры лiчыць адпаведна абзацамi восьмым — дваццаць пятым.

5. Устанавiць, што службовыя асобы дзяржаўных органаў, iншых арганiзацый i iншыя асобы абавязаны па пiсьмоваму патрабаванню ўпаўнаважаных службовых асоб Дэпартамента прадстаўляць iнфармацыю, неабходную для выканання Дэпартаментам задач i функцый, а таксама забяспечваць доступ да iнфармацыйных сiстэм i банкаў даных.

6. Савету Мiнiстраў Рэспублiкi Беларусь:

зацвердзiць умовы аплаты працы работнiкаў Дэпар-тамента;

забяспечыць прывядзенне актаў заканадаўства ў адпаведнасць з гэтым Указам;

прыняць iншыя меры па выкананню гэтага Указа;

пры складаннi праекта рэспублiканскага бюджэту на чарговы фiнансавы (бюджэтны) год прадугледжваць, пачынаючы з 2004 года, выдзяленне сродкаў на ўтрыманне Дэпартамента, уключаючы стварэнне i функцыянаванне аўтаматызаванай iнтэграванай сiстэмы ўлiку, апрацоўкi i аналiзу iнфармацыi аб фiнансавых аперацыях, якiя падлягаюць асаблiваму кантролю ў адпаведнасцi з заканадаўствам Рэспублiкi Беларусь аб процiдзеяннi легалiзацыi даходаў, атрыманых незаконным шляхам.

7. Нацыянальнаму банку па ўзгадненню з Камiтэтам дзяржаўнага кантролю ў двухмесячны тэрмiн зацвердзiць парадак прадстаўлення Дэпартаменту Нацыянальным банкам, iншымi банкамi, нябанкаўскiмi фiнансава-крэдытнымi арганiзацыямi iнфармацыi i дакументаў, неабходных для выканання ўскладзеных на яго задач i функцый.

8. Гэты Указ уступае ў сiлу з дня яго афiцыйнага апублiкавання.

Прэзiдэнт Рэспублiкi Беларусь А.ЛУКАШЭНКА.

14 верасня 2003 г.

г.Мiнск.