Моладзь Мiншчыны не застаецца ў цянi

Источник материала:

Рэгіён

Галоўным механiзмам рэалiзацыi адпаведных мерапрыемстваў з’яўляецца рэгiянальная праграма «Моладзь Мiнскай вобласцi», якая разлiчана на 2004—2005 гады. Акрамя гэтага, працуюць шэраг рэспублiканскiх праграм. У вобласцi сфармiравана дзяржаўная маладзёжная «вертыкаль» — дзейнiчаюць абласны i 26 раённых аддзелаў па справах моладзi. Самымi буйнымi грамадскiмi аб’яднаннямi з’яўляюцца Беларуская рэспублiканская пiянерская арганiзацыя i БРСМ, у складзе якiх адпаведна 66,8 i 40,5 тысячы чалавек.

Моладзь актыўна дапамагае ў рэалiзацыi сацыяльна-эканамiчнай палiтыкi. Напрыклад, сёлета на палетках Мiншчыны працавалi 304 маладзёжныя экiпажы. На адвозцы збожжа былi занятыя 176 маладых вадзiцеляў. Увогуле, па вынiках жнiва валавы намалот маладзёжных экiпажаў склаў больш чым 173 тысячы тон (амаль 10 працэнтаў агульнага паказчыка па вобласцi).

Як адзначылi ва ўпраўленнi iдэалагiчнай работы, летась Мiнскiм аблвыканкамам былi зацверджаны стыпендыi для 123 навучэнцаў i прэмii для 88 настаўнiкаў. 460 навучэнцаў атрымалi падтрымку райвыканкамаў, яшчэ 640 — базавых гаспадарак.