Ад яе вар’яцелi самыя ўплывовыя мужчыны стагоддзя

Источник материала:

Яе называюць адной з самых загадкавых жанчын стагоддзя. I гэта нягледзячы на шматлiкiя кнiгi-успамiны людзей, якiя з ёй працавалi альбо проста ведалi актрысу. Нягледзячы на здраднiцкую кнiгу роднай дачкi, якая, па меркаванню многiх, звяла мацi ў магiлу. I незважаючы нават на рассакрэчанае нядаўна дасье амерыканскiх спецслужбаў, якiя ў 30—40-я гады вялi пiльны нагляд лiтаральна за Марлен Дзiтрых, падазраваючы яе ў шпiянажы.

На выставе прадстаўлена некалькi дзесяткаў рарытэтных здымкаў актрысы. Марлен Дзiтрых пакiнула пасля сябе амаль 25 тысяч фатаграфiй, амаль усе яны выдатнай якасцi i былi зробленыя пад яе кантролем.

На адкрыццi выставы ўсiм наведвальнiкам былi падораны флаконы з парфумным алеем будучых духоў «Marleen», якiя ўжо ў вераснi плануе выпусцiць мiнская фiрма «Floralis». Водар па заказу «Floralis» распрацаваў парфумер Алег Выглазаў, намеснiк дырэктара па навуковай працы мiжнароднай лабараторыi прыгажосцi «Тэрэза-iнтэр». Вось што ён сказаў пра свой твор:

— Я сабраў пахi, якiя, на мой погляд, характэрызуюць гэтую загадкавую жанчыну: пачуль, ладан, сандал, дамаская ружа, корань фiялкi, касач, язмiн, костка кавуна, водарасцi, азон... Гэта водар-хамелеон, такой была сама Марлен. Духi будуць дарагiя, не масавай вытворчасцi, па 25-30 долараў за 40-мiлiлiтровы флакон.

Такiм чынам ў вераснi нас чакае працяг зносiнаў з «чароўнай Марлен». Фотавыстава будзе адкрыта да 21 жнiўня.