Грунт для памiдораў, хiмiчны аловак — для мёду

Источник материала:

Зямлю для памiдораў рыхтуюць з розных частак перагною, торфу, дзярнiны з дабаўленнем 5 г суперфасфату на 1 кг сумесi. Гэтую сумесь можна прапячы ў духоўцы, можна прапарыць. Для прапарвання ў вялiкую каструлю налiваюць на 1/4 вады, у ёмiстасць з дзiрачкамi (напрыклад, друшляк) насыпаецца зямля, i ўсё гэта, накрытае накрыўкай, каля гадзiны трымаецца на агнi. Апрацоўка гарачай парай — добрая гарантыя знiшчэння лiчынак i ўзбуджальнiкаў многiх хвароб.

Кiслую глебу трэба нейтралiзаваць мелам цi гашанай вапнай, шчолачную можна крыху падкiслiць растворанай у вадзе таблеткай аскарбiнкi.

Каб вызначыць у хатнiх умовах узровень кiслотнасцi, трэба на 1/3 запоўнiць зямлёй 200-грамовую бутэльку, у якую да паловы дабавiць вады i насыпаць 1/2 чайнай лыжкi мелу, нацягнуць соску. Некалькi мiнут усю сумесь устрэсваць. Чым мацней надзьмецца соска — тым вышэйшая кiслотнасць глебы.

Што датычыць другой часткi пытання. Хiмiчныя алоўкi, хоць i вельмi рэдка, але ўсё ж прадаюцца ў аддзеле канцылярскiх тавараў. Прамысловай iх вытворчасцi, як раней, зараз не iснуе, ды i якасць iх зусiм не такая, якая была раней.

Як мяркуюць вопытныя пчаляры, натуральнасць мёду нельга вызначыць пры дапамозе хiмiчнага алоўка. Прасцейшы спосаб выяўлення натуральнасцi мёду, у прыватнасцi, выяўленне дабавак — гэта развядзенне ў вадзе. Калi мёд без дабавак, то раствор атрымлiваецца крыху мутнаватым, без асадку. Пры наяўнасцi дамешкаў (крухмалу) утвараецца асадак. Наяўнасць крухмалу можна выявiць i дабаўленнем да раствору некалькiх кропель ёду. Раствор стане сiнiм. Прымесi мелу можна выявiць уздзеяннем якой-небудзь кiслаты, напрыклад воцату. У гэтым выпадку адбудзецца ўспеньванне з прычыны выдзялення вуглякiслага газу.

Для выяўлення ў мёдзе бульбяной альбо цукровай патакi або трысняговага цукру трэба рабiць больш складаныя пробы ў спецыяльных лабараторыях.