Указ Прэзiдэнта Рэспублiкi Беларусь № 596

Источник материала:

1. Унесцi ва Указ Прэзiдэнта Рэспублiкi Беларусь ад 12 мая 2005 г. № 221 «Аб некаторых мерах па скарачэнню аб’ёмаў звышнарматыўнага незавершанага будаўнiцтва» (Нацыянальны рэестр прававых актаў Рэспублiкi Беларусь, 2005 г., № 74, 1/6439) наступныя змяненнi i дапаўненне:

1.1. з пункта 1 словы «, за выключэннем фiнансавання капiтальных укладанняў пасля завяршэння будаўнiцтва гэтых аб’ектаў» выключыць;

1.2. дапоўнiць Указ пунктам 2прым. наступнага зместу:

«2прым. Дзеянне пунктаў 1 i 2 гэтага Указа не пашыраецца на арганiзацыi, якiя маюць ва ўласнасцi, гаспадарчым веданнi або аператыўным кiраваннi аб’екты звышнарматыўнага незавершанага будаўнiцтва i завяршаюць будаўнiцтва такiх аб’ектаў у тэрмiны, устаноўленыя пастановай Савета Мiнiстраў Рэспублiкi Беларусь ад 18 лiстапада 2005 г. № 1293 «Аб тэрмiнах завяршэння будаўнiцтва, продажу, перапрафiлявання i зносу аб’ектаў звышнарматыўнага будаўнiцтва ў 2005 (другое паўгоддзе)—2010 гадах» (Нацыянальны рэестр прававых актаў Рэспублiкi Беларусь, 2005 г., № 189, 5/16830).»;

1.3. пункт 3 выкласцi ў наступнай рэдакцыi:

«3. Савету Мiнiстраў Рэспублiкi Беларусь:

забяспечыць кантроль i штогадовае iнфармаванне Прэзiдэнта Рэспублiкi Беларусь да 1 красавiка года, што iдзе за справаздачным, па пытаннях завяршэння будаўнiцтва аб’ектаў звышнарматыўнага незавершанага будаўнiцтва ва ўстаноўленыя тэрмiны;

прыняць iншыя меры па выкананню гэтага Указа.».

2. Гэты Указ уступае ў сiлу з дня яго афiцыйнага апублiкавання i пашыраецца на праваадносiны, якiя ўзнiклi з 1 лiпеня 2005 г.

Прэзiдэнт Рэспублiкi Беларусь А. ЛУКАШЭНКА.

14 снежня 2005 г., г. Мiнск.