Пастанова Палаты прадстаўнiкоў Нацыянальнага сходу Рэспублiкi Беларусь

Источник материала:

У адпаведнасцi з часткай трэцяй артыкула 81 i пунктам 3 часткi першай артыкула 97 Канстытуцыi Рэспублiкi Беларусь, пунктам 1 артыкула 23 i часткай першай артыкула 56 Выбарчага кодэкса Рэспублiкi Беларусь Палата прадстаўнiкоў Нацыянальнага сходу Рэспублiкi Беларусь ПАСТАНАЎЛЯЕ:

1. Прызначыць выбары Прэзiдэнта Рэспублiкi Беларусь на 19 сакавiка 2006 года.

2. Цэнтральнай камiсii Рэспублiкi Беларусь па выбарах i правядзенню рэспублiканскiх рэферэндумаў арганiзаваць у адпаведнасцi са сваiмi паўнамоцтвамi правядзенне выбараў Прэзiдэнта Рэспублiкi Беларусь i ажыццяўляць кантроль за выкананнем заканадаўства аб выбарах.

3. Дзяржаўным органам, iншым арганiзацыям забяспечыць выкананне аднесеных да iх кампетэнцыi арганiзацыйных мерапрыемстваў па падрыхтоўцы i правядзенню выбараў Прэзiдэнта Рэспублiкi Беларусь у тэрмiны, якiя ўстаноўлены Выбарчым кодэксам Рэспублiкi Беларусь.

4. Савету Мiнiстраў Рэспублiкi Беларусь забяспечыць фiнансаванне расходаў на падрыхтоўку i правядзенне выбараў Прэзiдэнта Рэспублiкi Беларусь у межах сродкаў, якiя прадугледжаны ў рэспублiканскiм бюджэце на гэтыя мэты.

5. Гэта Пастанова ўступае ў сiлу з дня яе афiцыйнага апублiкавання.

Старшыня Палаты прадстаўнiкоў Нацыянальнага сходу Рэспублiкi Беларусь У. КАНАПЛЁЎ

16 снежня 2005 г., г. Мiнск.

№ 310—ПЗ/III