Аўтааматар

Источник материала:

БЕЗ ВIНЫ ВIНАВАТЫ

Мой аўтамабiль быў пашкоджаны на стаянцы. Аднак ДАI не ўстанавiла вiнаватага. Цi павiнны мне выплацiць страхоўку?

Алег Шулешка, Слонiм

Як паведамiлi ў Беларускiм бюро па транспартным страхаваннi ў выпадках, калi не ўстаноўлены вiноўнiк аварыi, кампенсуецца толькi ўрон, нанесены жыццю i здароўю людзей. За пашкоджаную маёмасць страхоўка не выплачваецца.

Можна толькi паспачуваць нашаму чытачу, якi аказаўся без вiны вiнаватым i вымушаны будзе за свае грошы рамантаваць пашкоджаны аўтамабiль. Але што зробiш: закон ёсць закон. Дакладней, так прадпiсана Палажэннем аб парадку i ўмовах правядзення абавязковага страхавання грамадзянскай адказнасцi ўладальнiкаў транспартных сродкаў.

Iншага выйсця, на думку страхоўшчыкоў, няма. Бо калi стварыць прэцэдэнт i плацiць страхоўку пры неўстаноўленым вiноўнiку, то непазбежна ўзнiкнуць факты махлярства.

Многiя вадзiцелi, якiя самi пашкодзiлi аўтамабiль, пачнуць наракаць на неўстаноўленага вiноўнiка аварыi i патрабаваць кампенсацыi ад страхавой кампанii.

Аўтапрам

IМЁНЫ ДЛЯ МАЗАЎ

Мiнскi аўтамабiльны завод абвясцiў конкурс на лепшыя назвы мадэляў сваёй прадукцыi.

Справа ў тым, што зараз МАЗаўскiя аўтобусы, грузавiкi i тралейбусы адрознiваваюцца толькi лiчбамi. А для патэнцыяльных пакупнiкоў больш прывабныя арыгiнальныя назвы.

Чакаецца, што пераможцы конкурсу спецыяльная камiсiя вызначыць не пазней чым 27 студзеня наступнага года. Аўтары, чые назвы будуць прызнаны лепшымi, атрымаюць дыпломы i грашовыя ўзнагароды ў памеры 250 тысяч рублёў.

Аўтаiнфарм

З НОВЫМ ЗНАКАМ!

З 1 студзеня наступнага года ў Расii з’явяцца 24 новыя дарожныя знакi, а таксама 18 варыянтаў ужо iснуючых.

У прыватнасцi, замест знака «Стоп» будзе прымяняцца забаронны знак «Кантроль», знешне вельмi падобны на знакi «Мытня» i «Небяспека». З’явяцца таксама знакi, якiя будуць iнфармаваць, на якой хвалi радыёстанцыi перадаюць iнфармацыю пра дарожны рух, а таксама па якiм канале можна звязацца з аварыйнымi службамi.

Аўтарэйтынг

МАРА ЎСIХ МУЖЧЫН

Часопiс Playboy склаў рэйтынг «машыны для сапраўдных мужчын». Па версii выдання, марай усiх мужчын у наступным годзе будзе двухмеснае купэ Porsche Cayman S. Дарэчы, Porsche ужо не раз называлi фiрмай, якая вырабляе самыя сэксуальныя аўтамабiлi сучаснасцi. Напрыклад, амерыканскi жаночы аўтамабiльны часопiс Woman Motorscene па вынiках апытання сваiх чытачоў прысудзiў гэты тытул Porsche Boxster.

Аўтажарт

Едзе Шцiрлiц на сваiм аўтамабiлi, раптам бачыць — на ўзбочыне галасуе Мюлер. «Не, даражэнькi, не падвязу», — зларадна падумаў Шцiрлiц i паехаў далеў. Праз нейкi час зноў заўважыў ля дарогi Мюлера. «Усё роўна не падвязу», — вырашыў Шцiрлiц. А потым зноў дзесяць разоў запар паўтарылася такая ж сiтуацыя. «Здзекуецца», — зразумеў Мюлер. «Кальцавая дарога», — здагадаўся Шцiрлiц.