Музычная пуцёўка ў Грэцыю шукае гаспадароў!

Источник материала:

Тэлесеткi

Да конкурсу дапускаюцца песнi, якiя не былi камерцыйна рэалiзаваныя (у тэле-, радыёэфiры, сетцы Iнтэрнэт i г.д.) да 1 кастрычнiка бягучага года. Выканаўцу на момант правядзення адбору павiнна быць не менш як 16 гадоў.

Удзельнiкi конкурсу павiнны адправiць фанаграмы i тэксты песень (на беларускай/рускай i англiйскай мовах), а таксама пакет неабходных дакументаў на адрас: 220087 г. Мiнск, вул. Макаёнка, 9, Белтэлерадыёкампанiя, з паметкай «На конкурс «Еўрабачанне». Поўны пералiк дакументаў можна знайсцi на сайце Белтэлерадыёкампанii www.tvr.by. Апошнi дзень прыёму заявак — 31 снежня гэтага года.

Не пазней чым 17 студзеня 2006 года скончыцца першы тур конкурсу, падчас якога прафесiянальнае журы павiнна вызначыць 15 удзельнiкаў адборачнага канцэрта. Да 30 студзеня ўдзельнiкi заключаць з Белтэлерадыёкампанiяй дамоўленасцi аб перадачы да трансляцыi ў эфiры адборачнага канцэрта аўтарскiх правоў на конкурсныя песнi. Сам канцэрт запланаваны на канец студзеня—пачатак лютага 2006 года. Адразу пасля яго пройдзе тэлефонная галасаванне гледачоў, вынiкi якога ў онлайн-рэжыме будуць змешчаны на тэлеэкране i на афiцыйным сайце конкурсу. У лютым 2006 года аргкамiтэт i прафесiянальнае журы вызначацца з асноўным удзельнiкам, якi будзе прадстаўляць Беларусь на мiжнародным тэлевiзiйным конкурсе «Еўрабачанне-2006». Адбудзецца ён, нагадаю, у Грэцыi ў маi наступнага года.

Вiкторыя ЦЕЛЯШУК.