Главная
Гороскопы
Банкаўская сiстэма працавала без збояў
Банкаўская сiстэма Беларусi забяспечыла выкананне ўсiх асноўных паказчыкаў грашова-крэдытнай палiтыкi за 2005 год. Аб гэтым прэзiдэнту нашай краiны Аляксандру Лукашэнку 19 снежня далажыў старшыня праўлення Нацыянальнага банка Беларусi Пётр Пракаповiч.
Кiраўнiк дзяржавы праiнфармаваны, што ў краiне забяспечана стабiльнасць фiнансавай сiстэмы i цэн. Нацыянальная валюта з пачатку бягучага года ўмацавалася да долара ЗША на 0,9 працэнта, да расiйскага рубля — на 3,9 працэнта, да еўра — на 13,1 працэнта. Умацаванне беларускага рубля ў сваю чаргу садзейнiчала знiжэнню цэн на спажывецкiм рынку. У цэлым у 2005 годзе тэмп росту цэн быў у два разы нiжэйшы ў параўнаннi з папярэднiм годам. Пастаянна захоўваецца стаўка рэфiнансавання на такiм узроўнi, якi дае магчымасць прыцягваць дэпазiты насельнiцтва i прадпрыемстваў на выгадных для iх умовах. Iншымi словамi, даходнасць ад укладанняў у банкаўскую сферу на працягу ўсяго часу была вышэйшая за ўзровень iнфляцыi. Таму з боку насельнiцтва назiралася значнае павелiчэнне ўкладаў, асаблiва ў беларускiх рублях. На працягу 2005 года плацежная сiстэма працавала без збояў. Плацяжы ў асноўным праходзяць у рэжыме рэальнага часу i ў цэлым праблема з несвоечасовымi выплатамi вырашана. Прэзiдэнт паставiў задачу ўмацаваць банкаўскую сiстэму, а таксама дабiцца няўхiльнага выканання асноўных паказчыкаў грашова-крэдытнай палiтыкi на 2006 год. Прэс-служба Прэзiдэнта Рэспублiкi Беларусь.
Чтобы разместить новость на сайте или в блоге скопируйте код:
На вашем ресурсе это будет выглядеть так
Банкаўская сiстэма Беларусi забяспечыла выкананне ўсiх асноўных паказчыкаў грашова-крэдытнай палiтыкi за 2005 год
|
|