Вылучэнне прадстаўнiкоў у тэрытарыяльныя камiсii па выбарах прэзiдэнта завершыцца 25 снежня

Источник материала:

«Часам задаюць пытанне: на якiх падставах можа быць адмоўлена таму цi iншаму прадстаўнiку ва ўключэннi ў тэрытарыяльную выбарчую камiсiю? Нiякiх падстаў не iснуе. Проста склад камiсii абмежаваны па колькасцi — максiмум 13 чалавек», — сказаў Мiкалай Лазавiк. Паводле слоў субяседнiка, крытэрыi адбору членаў тэрытарыяльных камiсiй — гэта ўменне працаваць з выбаршчыкамi, вопыт у гэтай галiне i веданне нормаў дзеючага заканадаўства.

Сакратар ЦВК нагадаў, што вылучаць свайго прадстаўнiка ў склад тэрытарыяльнай камiсii могуць палiтычныя партыi, грамадскiя аб’яднаннi i працоўныя калектывы, а таксама групы грамадзян у колькасцi не менш як 30 чалавек. Склад гэтых выбаркамаў фармiруецца на пасяджэннi выканаўчага камiтэта i Савета дэпутатаў адпаведнай адмiнiстрацыйнай тэрытарыяльнай адзiнкi.

Мiкалай Лазавiк таксама праiнфармаваў, што 23 снежня — апошнi тэрмiн здачы спiсаў членаў iнiцыятыўных груп выбаршчыкаў па вылучэнню кандыдатаў у прэзiдэнты. На пасяджэннi Цэнтрвыбаркама 27 снежня адбудзецца рэгiстрацыя iнiцыятыўных груп. З 29 снежня пачнецца вылучэнне кандыдатаў у прэзiдэнты, яно прадоўжыцца да 27 студзеня ўключна.