Навагодняя мода для сабак: гульнi з гламурам

Источник материала:

Сёння апранаць свайго сабаку — гэта не толькi модна, але i карысна, у першую чаргу для здароўя гадаванца. Зiмовыя маразы могуць нанесцi шкоду арганiзму жывёлiны. Вось i атрымлiваецца, што хочаш не хочаш, але вопратка для сабачкi патрэбна. А яшчэ лепш, калi не проста апрануць «у што-небудзь», а апрануць, зыходзячы з сучасных тэндэнцый. Не здзiўляйцеся — мода для жывёл iснуе i карыстаецца зараз не меншай папулярнасцю, чым славутыя ўборы «ад куцюр» для людзей. Знайсцi ж модныя арыенцiры дапаможа мадэльер, распрацоўшчык адзення для сабак, член Саюза дызайнераў Алена Варахобка.

Рамантычная шыкоўнасць

Мець моднае сабачаня ў гэтым сезоне — гэта значыць апранаць яго ў адзенне ўсiх адценняў вогненна-чырвонага. Колер, такiм чынам, вызначаецца гамай ад чырвонага, барвовага, цытрусавага да шыкоўнага блiскуча-залатога. У адпаведнасцi з яркiм колерам змяняецца i стыль вопраткi:

— Калi раней пераважаў спартыўны стыль (у чалавека гэта прапорцыя ў элементах адзення адзiн да трох, а у сабак — канкрэтныя спартыўныя дэталi), то зараз назiраецца агульнае iмкненне да гламура. Супермодна сабачка будзе выглядаць, калi ў яго вопратцы ёсць нейкi этнiчныя элементы. Тэндэнцыi сусветнай моды сцвярджаюць, што стыль адзення жывёлiны адпавядае iмiджу гаспадароў. Калi сёння ў жанчын папулярныя пышныя спаднiцы — сабака павiнен быць апрануты ў тым жа стылi, — перакананая Алена. — Такiм чынам, асноўныя тканiны, з якiх вырабляецца зараз адзенне для сабак, — гэта актуальныя жакард i габелен. Тканiна павiнна шамацець. Або яшчэ адна модная тканiна, якая выраблена з так званых крэш-матэрыялаў, цi, кажучы прасцей — сцiснутых. З iх лiку асаблiва рэкамендую папулярную тканiну, у складзе якой стрэйч i бавоўна. Дарэчы, вельмi зручны матэрыял для сабачага адзення. I прыгожа выглядае, i жывёлiна адчувае сябе ўтульна.

Гламур — стыль раскошы, блiскучасцi i рамантызму. Таму вельмi дарэчы будуць упрыгажэннi з чырвоных цi бардовых стразаў, бiсеру, шкляных каменьчыкаў i iншых прывабных дробных аксэсуараў. Увогуле, гламур падразумявае бязмежнасць фантазii, таму, апрануўшы свайго гадаванца ў адзенне з сеткавых празрыстых тканiн, гаспадар не памылiцца. А вось вiды адзення — гэта камбiнезончыкi, гунькi, штанiкi.

ДогМэн (Dogman) — гэта крута

— А на Новы год у што павiнен быць апрануты сабака?

— Навагоднi касцюм для чатырохногага сябра — гэта абавязковае пераўтварэнне. Тэндэнцыi сусветнай моды кажуць нам, што жыццё — гэта гульня, дзе чалавек атаясамлiвае пэўны вобраз, гуляе ў iншую асобу. Вось i сабачку трэба на некалькi гадзiн зрабiць, напрыклад, кракадзiлам. Або птушачкай. Вось чалавек прыбярэцца на Новы год у касцюм Спайдэрмена — а яго сабака няхай будзе Догменам. Галоўнае — адчуць асабiсты накiрунак, а далей гаспадар сам можа выдумляць, як апрануць свайго сабаку.

Як расказала Алена Варахобка, пры распрацоўцы адзення для сабакi ёсць адна асаблiвасць, не ўлiчваць якую немагчыма. Характар сабакi залежыць ад характару i паводзiнаў гаспадара. Суадносна, i яго вопратка.

Кiпцюрыкi — чырвоныя, банцiк — таксама

Зараз на кiпцюрыках сабачкi робiцца i манiкюр, звычайным «чалавечым» лакам. У год Вогненнага Сабакi ён таксама адпаведнага колеру. А на ашыйнiк, замест хусцiнкi або гальштука — як у людзей, можна завязаць ленту ў чырвоных тонах цi банцiк. Акрамя таго, не забудзьцеся пра галаўны ўбор. Калi на камбiнезончыку будзе яшчэ i капюшон, ваш маленькi сябар стане самай моднай персонай сярод сваiх суродзiчаў. Для «дзяўчынкi» падыдзе кепачка на гумцы. Яна выконвае i дэкаратыўную функцыю, i адначасова не дазваляе ветру сарваць галаўны ўбор.

Апошняя навiнка гэтага года — абутак для сабак. Распрацоўваць яго не так проста, таму што для пярэднiх i заднiх лапак ён розны па канструкцыi. Затое прыносiць карысць, асаблiва калi сабачка бегае па дарогах, якiя ў зiмовы сезон пасыпаюць пясчана-салявымi сумесямi.

З’яўляюцца, па ўзоры публiкацый з часопiсаў пра моду i фота з iнтэрнэта, вырабы з футра — блакiтнага пясца, норкi. Шчаслiвыя ўладальнiкi такiх шубак, зробленых з кавалачкаў, ужо разгульваюць па вулiцах.

I самае галоўнае, аб чым не трэба забывацца. Адзенне для сабак павiнна ў першую чаргу засцерагаць арганiзм жывёлiны ад уздзеяння надвор’я i дрэнных клiматычных умоў.