Дэкрэт Прэзiдэнта Рэспублiкi Беларусь № 19

Источник материала:

У адпаведнасцi з часткай трэцяй артыкула 101 Канстытуцыi Рэспублiкi Беларусь пастанаўляю:

1. Унесцi ў пункт 1 Дэкрэта Прэзiдэнта Рэспублiкi Беларусь ад 18 мая 1999 г. № 22 «Аб некаторых мерах па недапушчэнню скажэнняў даных дзяржаўнай статыстычнай справаздачнасцi» (Нацыянальны рэестр прававых актаў Рэспублiкi Беларусь, 1999 г., № 40, 1/367; 2002 г., № 100, 1/4003) наступныя змяненнi i дапаўненнi:

1.1. падпункт 1.1 выкласцi ў наступнай рэдакцыi:

«1.1. прадстаўленне скажоных даных дзяржаўнай статыстычнай справаздачнасцi, несвоечасовае прадстаўленне або непрадстаўленне такой справаздачнасцi органам дзяржаўнай статыстыкi, калi ў гэтых дзеяннях няма складу злачынства, —

прыводзяць да накладання штрафу на службовых асоб i (або) iншых упаўнаважаных асоб, адказных за складанне i прадстаўленне даных дзяржаўнай статыстычнай справаздачнасцi, у памеры ад 50 да 120 базавых велiчынь, а на iндывiдуальных прадпрымальнiкаў — ад 50 да 150 базавых велiчынь.

Тыя ж дзеяннi, учыненыя паўторна на працягу года пасля накладання спагнання, прадугледжанага ў частцы першай гэтага падпункта, —

прыводзяць да накладання штрафу на службовых асоб i (або) iншых упаўнаважаных асоб, адказных за складанне i прадстаўленне даных дзяржаўнай статыстычнай справаздачнасцi, у памеры ад 150 да 350 базавых велiчынь, а на iндывiдуальных прадпрымальнiкаў — ад 150 да 400 базавых велiчынь.

Пратаколы аб адмiнiстрацыйных правапарушэннях, названых у частках першай i другой гэтага падпункта, маюць права складаць упаўнаважаныя службовыя асобы органаў Камiтэта дзяржаўнага кантролю i дзяржаўнай статыстыкi, а справы аб такiх правапарушэннях — разглядаць органы Камiтэта дзяржаўнага кантролю па пратаколах, складзеных iх упаўнаважанымi службовымi асобамi, i раённы (гарадскi) суд — па пратаколах, складзеных упаўнаважанымi службовымi асобамi органаў дзяржаўнай статыстыкi.

Спагнаннi за ўчыненне правапарушэнняў, названых у частках першай i другой гэтага падпункта, могуць быць накладзены не пазней як за два гады з дня iх учынення i не пазней як за тры месяцы з дня iх выяўлення.

Прадстаўленне скажоных даных дзяржаўнай статыстычнай справаздачнасцi, несвоечасовае прадстаўленне або непрадстаўленне такой справаздачнасцi органам дзяржаўнай статыстыкi —

прыводзяць да накладання штрафу на юрыдычных асоб у памеры ад 100 да 200 базавых велiчынь.

Тыя ж дзеяннi, учыненыя паўторна на працягу года пасля прымянення эканамiчнай санкцыi, прадугледжанай у частцы пятай гэтага падпункта, —

прыводзяць да накладання штрафу на юрыдычных асоб у памеры ад 200 да 450 базавых велiчынь.

Вядзенне па справах аб правапарушэннях, у тым лiку прымяненне эканамiчных санкцый, названых у частках пятай i шостай гэтага падпункта, ажыццяўляецца ўпаўнаважанымi службовымi асобамi органаў Камiтэта дзяржаўнага кантролю;»;

1.2. падпункты 1.3 i 1.4 пасля слова «адмiнiстрацыйнай» дапоўнiць словам «, эканамiчнай».

2. Гэты Дэкрэт уступае ў сiлу з дня яго афiцыйнага апублiкавання, з’яўляецца часовым i згодна з часткай трэцяй артыкула 101 Канстытуцыi Рэспублiкi Беларусь прадстаўляецца на разгляд Нацыянальнага сходу Рэспублiкi Беларусь.

Прэзiдэнт Рэспублiкi Беларусь А. ЛУКАШЭНКА.

23 снежня 2005 г., г. Мiнск.