Аляксандр Лукашэнка правёў шэраг сустрэч з прадстаўнiкамi замежных дзелавых колаў

Источник материала:

Развiццё супрацоўнiцтва памiж «Белтрансгазам» i «Газпрамам» як на кароткачасовую, так i стратэгiчную, доўгатэрмiновую перспектыву Аляксандр Лукашэнка абмеркаваў з намеснiкам старшынi праўлення ААТ «Газ-прам», генеральным дырэктарам ТАА «Газэкспарт» Аляксандрам Мядзведзевым. У прыватнасцi былi закрануты пытаннi паставак газу, узаемадзеяння ў iнвестыцыйнай сферы.

Дасягнута дамоўленасць аб стварэннi «Белтрансгазам» i «Газпрамам» спецыяльнай рабочай групы па вывучэнню канкрэтных праектаў, якiя могуць быць рэалiзаваны ў блiжэйшай будучынi. Сярод iх — праекты, звязаныя з падземным захоўваннем прыроднага газу ў Беларусi, а таксама пашырэннем транзiтных магутнасцяў для павелiчэння паставак «блакiтнага палiва» ў Еўропу праз тэрыторыю нашай рэспублiкi. Напрыклад, разглядаецца магчымасць давесцi аб’ёмы падземнага захоўвання да 1 млрд куб.м.

Папярэдне гэтыя праекты ацэньваюцца ў сотнi мiльёнаў долараў, якiя могуць быць iнвесцiраваны ў беларускую эканомiку.

Таксама 8 студзеня адбылася сустрэча прэзiдэнта Беларусi з кiраўнiцтвам аўстрыйскай кампанii «Юрымекс Комерц Транзiт». Яна паспяхова працуе на рынку рэспублiкi больш за 12 гадоў.

Галоўнай тэмай абмеркавання стала далейшае супрацоўнiцтва ў сферы энергетычнага комплексу, i ў прыватнасцi з ААТ «Нафтан». Размова iшла аб рэалiзацыi шэрагу iнвестыцыйных праграм. Былi закрануты таксама пытаннi сумеснай дзейнасцi па продажы канчатковай прадукцыi нафтаперапрацоўкi за межамi Беларусi.

Аўстрыйскi бок пацвердзiў свой намер не толькi прадоўжыць, але i пашырыць супрацоўнiцтва з беларускiмi партнёрамi.

Прэс-служба Прэзiдэнта Рэспублiкi Беларусь.