Памiж дэтэктывам i дзiкай прыродай

Источник материала:

Тэлесеткi

Гiсторыя прыгод героя 60-цi знакамiтых раманаў Рэкса Стаута ў кiнаверсii склала ўдвая меншую лiчбу, змясцiўшыся ў 30-цi серыях. Легендарны прыватны дэтэктыў, лянiвы таўстун-гурман, аматар архiдэй Нiра Вульф i ягоны пранiкнёна-з’едлiвы нястомны памочнiк Арчы Гудвiн сталi для амерыканцаў настолькi ж любiмымi персанажамi, як Шэрлак Холмс i доктар Ватсан для еўрапейцаў. Не дзiўна, што i за экранiзацыю твораў амерыканскага дэтэктыўшчыка ўзяўся амерыканскi ж рэжысёр Бiл Дзюк, якi ў 2001 годзе прадставiў публiцы вынiк.

Наколькi запатрабаваным будзе серыял для беларусаў, пакажа час. Першую серыю першага фiльма — «Залатыя павукi» — глядзiце ўжо 24 студзеня ў 9.15 i 22.05 у паўторы.

А на наступны дзень «ЛАД» пачынае паказ дакументальнага серыяла «Прыродныя багаццi Расii», змешчанага ў значна больш сцiплыя рамкi: усяго 6 серый. Серыял зусiм свежанькi, 2005 года, да таго ж эксклюзiўны, бо паказвае жыццё ўнутры ахоўваемых нацыянальных паркаў, куды публiцы ўваход забаронены. Здзiўляе толькi, што выпуск яго ўзялi на сябе не самi расiяне, а... французы. Зрэшты, думаю, незалежна ад краiны-вытворцы паглядзець шэсць асобных, не звязаных памiж сабой серый «Animal Planet па-руску» ўсё адно будзе цiкава. Першая серыя выйдзе ў эфiр канала «ЛАД» 25 студзеня, у 16.15.