Главная
Гороскопы
Урад Беларусi прымае меры для забеспячэння энергетычнай бяспекi краiны
Людмiла САЦ, БЕЛТА
У адпаведнасцi з пастановай Савета Мiнiстраў ад 19 студзеня нумар 57, Мiнжылкамгасу, аблвыканкамам i Мiнскаму гарвыканкаму даручана ўзмацнiць i прывесцi ў павышаную гатоўнасць аварыйна-рамонтныя службы, праверыць гатоўнасць да работы рэзервовага кацельнага абсталявання i наяўнасць рэзерваў палiва. Гэтыя ведамствы таксама павiнны забяспечыць праверку стану жылых дамоў, у тым лiку паддашкавых i падвальных памяшканняў, сiстэм ацяплення, водазабеспячэння, энерга- i газазабеспячэння i прыняць меры па бесперабойнаму iх функцыянаванню. Акрамя таго, яны будуць забяспечваць гатоўнасць аварыйных службаў гарадоў i населеных пунктаў да дзеянняў у экстрэмальных пагодных умовах.
У сваю чаргу ўстановам Мiнiстэрства аховы здароўя даручана арганiзаваць аказанне экстраннай дапамогi людзям, якiя пацярпелi ад нiзкiх тэмператур. Прадпрыемствы Мiнсельгасхарча павiнны ўцяплiць жывёлагадоўчыя памяшканнi. Згодна з пастановай транспарт гэтымi днямi будзе працаваць строга па раскладу, снегаўборачная тэхнiка прыведзена ў гатоўнасць. Будзе забяспечана i бесперабойнае забеспячэнне насельнiцтва прадуктамi харчавання, таварамi першай неабходнасцi. Рэспублiканскiм органам дзяржаўнага кiравання, аблвыканкамам i Мiнскаму гарвыканкаму даручана ўстанавiць рэжым жорсткай эканомii энергарэсурсаў найбольш энергаспажывальнымi прадпрыемствамi, а таксама на перыяд халадоў разгледзець пытанне скарачэння выкарыстання энергii для рэкламы i падсвечвання будынкаў. Акрамя таго, яны правядуць рэвiзiю iснуючых рэзерваў расходных матэрыялаў для арганiзацыi аператыўнага ўзаемнага абмену пры iх дэфiцыце, i ў выпадку выкарыстання рэзерваў палiва будуць неадкладна аднаўляць яго запасы. Таксама будзе праведзена рэзерваванне брыгад хуткай медыцынскай дапамогi i медыцынскага персаналу для наведвання хворых дома. Пры неабходнасцi дадаткова можа прыцягвацца аўтамабiльны транспарт для выкарыстання ў якасцi хуткай медыцынскай дапамогi. У адпаведнасцi з пастановай урада рабочы дзень з панядзелка 2 студзеня пераносiцца на суботу 28 студзеня 2006 года.
Чтобы разместить новость на сайте или в блоге скопируйте код:
На вашем ресурсе это будет выглядеть так
У адпаведнасцi з пастановай Савета Мiнiстраў ад 19 студзеня нумар 57, Мiнжылкамгасу, аблвыканкамам i Мiнскаму гарвыканкаму даручана ўзмацнiць i прывес
|
|