Найперш патрэбен транспарт

Источник материала:

Галоўны ўрач бальнiцы Марыя Нiкалаюк гаворыць, што яе як адмiнiстратара галоўны клопат зараз звязаны са службовым транспартам. Бальнiчнаму УАЗу мiнула 13 гадоў. У рабочым стане ён падтрымлiваецца дзякуючы стараннасцi i добрасумленнасцi вадзiцеля. Але ж нагрузка на машыну кладзецца немалая. У аддаленыя вёскi да пажылых хворых або малалетнiх дзяцей медработнiкам трэба ездзiць, бывае, за 15 кiламетраў. Акрамя таго, на ФАПах у Яцкавiчах i Зводах штотыдзень прыём праводзяць педыятр i тэрапеўт па графiку, значыць, своечасова туды трэба даставiць названых спецыялiстаў. Складаныя аналiзы, напрыклад бiяхiмiчны аналiз крывi, трэба вазiць у лабараторыю райбальнiцы, бо свая лабараторыя робiць толькi простыя аналiзы. Словам, аўтамабiль тут патрэбен нiколькi не менш, чым любы медыцынскi прэпарат.

Таму i гаворыць Марыя Васiльеўна пра машыну як найпершы свой клопат. Ёсць у галоўнага ўрача i iншыя планы паляпшэння матэрыяльнай базы сваёй установы. Трэба было б памяняць на больш сучасныя апараты для правядзення фiзiяпрацэдур. Добра было б зрабiць рамонт у памяшканнi. «Не пашкодзiла б нам у гаспадарцы i свая газонакасiлка, — гаворыць галоўны ўрач. — Лышчыцы — вёска вялiкая i прыгожая. Нам таксама хочацца падтрымлiваць сваю тэрыторыю ва ўзорным парадку». Але ўсе пералiчаныя праблемы могуць быць вырашаны ў перспектыве. А вось транспарт — пытанне надзённае. I Марыя Мiкалаюк адзначае, што разуменне на гэты конт ёсць i ў мясцовай улады, толькi пакуль што канкрэтныя тэрмiны яго вырашэння ва ўладных калiдорах называць асцерагаюцца. Зараз iдзе рэарганiзацыя структуры сельскай аховы здароўя Брэсцкага раёна. Хутка вясковыя бальнiцы i амбулаторыi пяройдуць у падпарадкаванне гарадскiм установам. Тады, спадзяюцца ў вёсцы, магчыма пытаннi з матэрыяльным аснашчэннем будуць вырашацца хутчэй.

На ўсё астатняе, звязанае з умовамi iснавання бальнiцы, яе галоўны ўрач не наракае. Асаблiвую ўдзячнасць выказала Марыя Васiльеўна вясковым камунальнiкам. Яшчэ некалькi гадоў таму зiмой у бальнiцы часта было няўтульна ад холаду. А зараз, калi ацяпленнем медыцынскай установы занялася мясцовая ЖКГ, нiякiх праблем з цяплом няма.

Як адзначыў начальнiк Брэсцкага абласнога ўпраўлення аховы здароўя Валянцiн Мiлашэўскi, у вобласцi зараз 46 участковых сельскiх бальнiц i 13 бальнiц сястрынскага догляду. Для кожнай з iх праблема транспарту актуальная. У мiнулым годзе па новай машыне атрымалi тыя ўчастковыя бальнiцы, дзе ў блiжэйшы час запланавана здача аграгарадкоў. Паступова задача будзе вырашацца i для ўсiх iншых. Летась, паводле слоў Валянцiна Станiслававiча, пяць ФАПаў у вобласцi атрымалi статус амбулаторыi, яны таксама атрымалi свой транспарт.