«Там, дзе поспехi ў спорце...»

Источник материала:

На лыжню!

Не спяшайцеся адказаць, што якраз яны, алiмпiйцы, цi прафесiйныя спартсмены. Паводле меркавання намеснiка генеральнага дырэктара РУП «Белпошта» Анатоля Тарасенкi гэта — ...паштальёны. Бо менавiта яны пехам (цi спартыўнай хадой?) альбо на веласiпедах штодня пераадольваюць дзесяць—пятнаццаць кiламетраў.

Зрэшты, сваю спартыўную падрыхтоўку яны могуць дэманстраваць не толькi ў буднi. У мiнулую суботу на базе адпачынку «Дружба» прайшло свята — першыя спаборнiцтвы ў рамках ужо шостай круглагадовай спартакiяды. На лыжныя гонкi з’ехалiся восем каманд (тыя ж паштальёны, аператары, бухгалтары, вадзiцелi...) з усiх абласных фiлiялаў, вытворчасцi «Мiнская пошта» i вузла спецсувязi. Абмежаванняў ва ўзросце не было, аднак дыстанцыi ад яго, зразумела ж, залежалi.

I на ўсiх — блiскучых вынiкаў дасягнула каманда Вiцебскага фiлiяла: Наталля Катульская i Аляксандр Папковiч паказалi лепшы час на дыстанцыi 1,5 км (Наталля Пузака была другой), Аляксандр Маханькоў — на дыстанцыi 3 км.

Апроч iх годна прадставiлi свае каманды бухгалтары РУП «Белпошта» Аксана Рубiнічэнка i Людмiла Русецкая, аператар Дрыбiнскага РВПС Надзея Цестава, намеснiк начальнiка аддзялення сувязi № 6 Гомеля Алена Вятошкiна, вадзiцель Чэрыкаўскага РВПС Вячаслаў Жураўкоў, электрамеханiк вытворчасцi «Мiнская пошта» Дзмiтрый Вiлiсаў, iнструктар-метадыст Iван Кугут i аператар iнкасацыi Яўген Шахноў з гомельскага філіяла.

Трое ўдзельнiкаў былi адзначаны спецыяльнымi прызамi газеты «Звязда». Першы з iх — за найцяжэйшую перамогу, перамогу над сабой, заваявала начальнiк Варанянскага аддзялення сувязi (Астравецкi раён) Марыя Блашкевiч (да гэтай зiмы яна, як прызналася, 22 гады не стаяла на лыжах), другi (за не менш складанае — перамогу ў барацьбе за... справядлiвасць) — аператар Магiлёўскага РВПС Iрына Ткачова (на фiнiшы ёй памылкова «дабавiлi» некалькi хвiлiн часу), трэцi — за самы прыгожы фiнiш — паштальён па суправаджэнню Навагрудскага РВПС Аляксандр Кавальчук.

Сярод каманд на першым месцы Вiцебскi фiлiял, на другiм — вытворчасць «Мiнская пошта», на трэцiм — паштавiкi Гомельшчыны i Магiлёўшчыны. Зараз, як зазначыла старшыня фізкультурна-спартыўнага клуба «Сувязіст», намеснiк мiнiстра сувязi i iнфарматызацыi краiны Нiна Гаўрылава, справа за працоўнымi дасягненнямi. Яны проста павiнны быць там, дзе ёсць актыўны адпачынак i поспехi ў спорце.