Прэзiдэнт станоўча ацэньвае работу Камiтэта дзяржкантролю

Источник материала:

Прэзiдэнт Беларусi Аляксандр Лукашэнка 14 лютага прыняў з планавым дакладам старшыню Камiтэта дзяржаўнага кантролю Анатоля Тозiка. Кiраўнiк камiтэта далажыў аб вынiках работы вышэйшага кантрольнага органа ў 2005 годзе i за пяцiгодку ў цэлым. Было адзначана, што Камiтэт дзяржкантролю ў цэлым паспяхова выконвае задачы, што стаяць перад iм. Адначасова прэзiдэнт краiны падкрэслiў неабходнасць далейшага ўзмацнення аналiтычнага складальнiка ў рабоце органаў дзяржкантролю i руху ад праверак фiнансава-гаспадарчай дзейнасцi арганiзацый да комплекснага аналiзу стану спраў у галiнах i рэгiёнах. Кiраўнiк дзяржавы быў праiнфармаваны аб вынiках комплекснай праверкi работы Мiнлясгаса i падведамных яму арганiзацый па павышэнню эфектыўнасцi нарыхтоўкi i рэалiзацыi драўнiны, аб вынiках работы ўрада i мясцовых органаў улады па забеспячэнню росту вытворчасцi рыбы ў Беларусi.

Прэзiдэнт краiны адзначыў, што недахопы ў планаваннi, нерацыяльны падыход да арганiзацыi кантрольных мерапрыемстваў i неналежная каардынацыя кантрольнай дзейнасцi ў асобных дзяржаўных органах прыводзiць да залiшнiх, а часта i неабгрунтавана назначаных, безвынiковых праверак.

У ходзе даклада быў падрабязна разгледжаны ўнесены Саветам па каардынацыi кантрольнай дзейнасцi ў Рэспублiцы Беларусь праект указа, якi змяшчае строгiя меры па ўпарадкаванню арганiзацыi кантрольна-рэвiзiйнай работы. У дакуменце дадзена азначэнне паняцця «планавая праверка (рэвiзiя) фiнансава-гаспадарчай дзейнасцi», устаноўлены адзiныя патрабаваннi да планавання, парадак i адзiны пералiк падстаў, пры наяўнасцi якiх могуць быць назначаны пазапланавыя кантрольныя мерапрыемствы. Праектам указа прадугледжваецца ўвядзенне адмiнiстрацыйнай адказнасцi службовых асоб кантралюючых органаў, якiя назначылi правядзенне пазапланавай праверкi ў парушэнне ўстаноўленага тэрмiну.

Прэс-служба Прэзiдэнта Рэспублiкi Беларусь.