Берлусконi назваў Украiну прычынай энергетычнага крызiсу

Источник материала:

«Украiна праводзiла адбор 70 кубаметраў газу за дзень, не маючы на гэта кантракта з «Газпрамам», — удакладнiў iтальянскi прэм’ер. На пачатку лютага кiраўнiк «Газпрама» Аляксей Мiлер, якi знаходзiўся ў Турцыi, заявiў, што Украiна ў студзенi адабрала 550 мiльёнаў расiйскага газу, прызначанага для еўрапейскiх спажыўцоў.

ЗА «МIНСК» ПРОСЯЦЬ 16 МЛН ДОЛАРАЎ

Кiтай выставiць на аўкцыён былы савецкi авiяносец «Мiнск» класа «Кiеў», якi зараз выкарыстоўваецца як забаўляльны цэнтр.

Гэты карабель быў першым савецкiм авiяносцам, купленым Кiтаем напрыканцы 90-х гадоў. Яго прадалi для утылiзацыi, але ў КНР адна з кампанiй перакупiла карабель i ператварыла яго ў забаўляльны цэнтр. У цяперашнi час унутры «Мiнска» размяшчаюцца рэстараны, кiнатэатр i iншыя забаўляльныя ўстановы. Пачатковы кошт на аўкцыёне складзе прыкладна 16 мiльёнаў долараў ЗША.

АБРАМОВIЧ КУПIЦЬ ЗБОРНАЙ РАСII САМАГА ДАРАГОГА ТРЭНЕРА

Расiйскi алiгарх Раман Абрамовiч гатовы аплацiць паслугi галандскага трэнера Гуса Хiдзiнка, калi той узначалiць футбольную зборную Расii. Пра гэта паведамiла брытанская газета Daily Mirror.

Хiдзiнк зараз трэнiруе галандскi клуб «ПСВ Эйндховен», а да гэтага вывеў зборную Аўстралii ў фiнал чэмпiянату свету. Ён выказвае жаданне зноў працаваць з якой-небудзь нацыянальнай зборнай. Галандзец з’яўляецца адным з самых дарагiх трэнераў у свеце. Яго паслугi ацэньваюцца ў чатыры мiльёны фунтаў стэрлiнгаў у год.

КРЫМСКIЯ ВIНЫ СТАНУЦЬ ДЭФIЦЫТАМ

Крым застаўся без сыравiны для вытворчасцi вiн i каньяку. Як паведамляе Iнтэрнэт-выданне «Новый регион», яблычныя сады вымерзлi амаль на чвэрць, аднак гэта не адаб’ецца на ўраджаi. Грушы пацярпелi на 90 працэнтаў. Ураджаю персiкаў, абрыкосаў i чарэшнi практычна не будзе. Такая сiтуацыя i з вiнаградам. Маразы пашкодзiлi 90 працэнтаў вiнаграднiкаў. Паводле падлiкаў спецыялiстаў, сёлета вiнаграду збяруць не больш за 25 тысяч тон, што ў добрыя гады складала ўраджай адной вiнаграднай гаспадаркi.

АПОЎЗЕНЬ «ПАХАВАЎ» ВЁСКУ

Гiганцкi апоўзень накрыў вялiкую вёску на востраве Лейтэ ў цэнтральнай частцы Фiлiпiн. Прадстаўнiкi мясцовага Чырвонага Крыжа паведамляюць пра як мiнiмум 500 загiнуўшых.

Яшчэ каля 1,5 тысячы жыхароў вёскi Гiнсахуган лiчацца прапаўшымі без вестак. Вiдавочна, што колькасць ахвяр узрасце, бо значная частка прапаўшых людзей знаходзiцца пад тонамi камянёў i гразевай масы.