Весткi з Алiмпа

Источник материала:

скачкi з трамплiна, К-120, каманднае першынства, м:

1. Аўстрыя, 2. Фiнляндыя, 3. Нарвегiя.

фiгурнае катанне, танцы на лёдзе:

1. Таццяна Наўка—Раман Кастамараў (Расiя), 2. Танiт Белбiн—Бенжамiн Агоста (ЗША), 3. Алена Грушына—Руслан Ганчароў (Украiна).

хакей, ж:

1. Канада, 2. Швецыя, 3. ЗША.

21 ЛЮТАГА

бiятлон, эстафета, 4x7,5 км, м:

1. Германiя, 2. Расiя, 3. Францыя.

лыжнае двухбор’е, спрынт, 7,5 км, м:

1. Фелiкс Готвальд (Аўстрыя), 2. Ханс-Петэр Моан (Нарвегiя), 3. Георг Хецiх (Германiя).

ПЕРШЫЯ. У ДРУГОЙ ДЗЕСЯТЦЫ

На Алiмпiядзе ў Лiлехамеры, дзе беларусы ўпершыню прадстаўлялi нашу краiну на зiмовых Гульнях як прадстаўнiкi асобнай дзяржавы, у мужчынскай эстафеце занялi чацвёртае месца, гэты ж вынiк паказалi ў Нагана, а ў Солт-Лэйк-Сiцi апусцiлiся на 9-е месца. У Турыне беларусы фiнiшавалi адзiнаццатымi.

АБАРОНЦЫ АЙЧЫНЫ Ў ФРЫСТАЙЛЕ

23 лютага стане для трох беларусаў — Дзмiтрыя Дашчынскага, Аляксея Грышына i Антона Кушнiра — сапраўдным Днём абаронцаў Айчыны: гэтыя лыжныя акрабаты трапiлi ў дванаццатку мацнейшых, якiя i разыграюць памiж сабой алiмпiйскiя медалi. Каб не сурочыць землякоў, прагнозаў рабiць не станем. Толькi адзначым, што пасля першага скачка ў квалiфiкацыi фрыстайлiстаў лiдзiраваў бронзавы прызёр Гульняў у Нагана Дзмiтрый Дашчынскi. Паводле канчатковых вынiкаў, ён стаў другiм, уладальнiк «бронзы» на Алiмпiядзе ў Солт-Лэйк-Сiцi Аляксей Грышын 4-м, а Антон Кушнiр — 10-м. Дзмiтрый Рак у фiнал не прайшоў (24-е месца). Аднак дэбютанту Гульняў наўрад цi трэба засмучацца: у фiнал не трапiў нават алiмпiйскi чэмпiён-2002 чэх Алеш Валента. На першай пазiцыi пасля двух квалiфiкацыйных скачкоў знаходзiцца кiтаец Хань Сяопен. Аднак беларусы наўрад цi згодныя з такiм становiшчам.

НА АЛIМПIЯДЗЕ ЗАВЁЎСЯ ЗЛОДЗЕЙ

На Гульнях пакутуюць ад крадзяжоў, у тым лiку i расiяне. У генеральнага сакратара Саюза лыжных федэрацый Георгiя Мнацакава «знiклi» грошы, у алiмпiйскага чэмпiёна-1984 Сяргея Фокiчава — рукзак, дзе былi не толькi грошы, але i пашпарт. Звяртаннi ў палiцыю карысцi не прынеслi.

СЛУЦКАЯ ЎСIХ «ПАРВЕ»?

Цi змогуць нашы ўсходнiя суседзi здабыць у Турыне чацвёртае «золата» ў фiгурным катаннi, а Iрына Слуцкая стаць першай? Гадаць не станем: адказу на гэта пытанне засталося чакаць не так доўга. Некаторыя спартыўныя чыноўнiкi лiчаць, што Iрыне Слуцкай будзе складана заняць першае месца, бо суддзi ўжо аддалi перавагу расiянам у спаборнiцтве пар i мужчын-адзiночнiкаў. Аднак пераможцы ў танцах на лёдзе Таццяна Наўка i Раман Кастамараў запэўнiлi: Слуцкая ўсiх «парве». Тым больш што фiгурыстка ўжо аднойчы паслiзнулася на алiмпiйскiм п’едэстале ў Солт-Лэйк-Сiцi, калi стала толькi другой.

БЕЗ КАТАННЯ ПАД СПЕВЫ ЗЫКIНАЙ

Алiмпiйскi чэмпiён Яўген Плюшчанка рыхтуе сваiм прыхiльнiкам сюрпрыз на паказальныя выступленнi фiгурыстаў. Праўда, якiм будзе нумар, дакладна сказаць нельга: спачатку планавалi катанне пад спевы Людмiлы Зыкiнай, але гэта падалося Яўгену занадта пафасным, бо iтальянцы такога не зразумеюць, потым спынiлiся на танга, але перадумалi. Паглядзiм. На тое гэта i сюрпрыз.

Краiна З С Б Усяго

Германiя 8 7 5 20

Аўстрыя 8 5 3 16

ЗША 7 5 3 15

Расiя 7 3 5 15

Канада 3 6 5 14

Карэя 3 3 1 7

Францыя 3 1 3 7

Iталiя 3 - 4 7

Эстонiя 3 - - 3

Нарвегiя 2 8 8 18

Швейцарыя 2 2 4 8

Швецыя 2 2 3 7

Нiдэрланды 2 2 2 6

Кiтай 1 2 4 7

Харватыя 1 2 - 3

Аўстралія 1 - - 1

Фiнляндыя - 3 3 6

Чэхiя - 2 - 2

Вялікабрытанія - 1 - 1

Балгарыя - 1 - 1

Cлавакія - 1 - 1

Украіна - - 2 2

Латвiя - - 1 1