Inter - ПОЛ

Источник материала:

Жыхарка Аргенцiны ўдарыла нажом свайго мужа пасля таго, як ён адмовiўся выконваць свае шлюбныя абавязкi.

На працягу некалькiх дзён 52-гадовая жанчына з Буэнас-Айрэса спрабавала прыцягнуць увагу сваёй другой паловы. «Я ўсё выпрабавала, але дарэмна», — бедавала жанчына. У вынiку чаша цярпення аргенцінкi перапоўнiлася, i яна са злосцi або ад адчаю ўдарыла мужа нажом у спiну. Праўда, рана аказалася неглыбокай i нiякiя жыццёва важныя органы не былi закрануты. Мужчына, перш чым звярнуцца да ўрачоў, нават змог самастойна дайсцi да палiцыi i заявiць на жонку. Самае цiкавае, што, як высветлiлася пазней, жанчына не бачыла нiчога кепскага ў сваiм учынку. Яна заявiла, што павiнна была пакараць свайго мужа, якi адмовiўся выконваць законныя шлюбныя абавязкi.

УРАЧЫ АДМАЎЛЯЮЦЦА АД СМЯРОТНАЙ IН’ЕКЦЫI

Беспрэцэдэнтная сiтуацыя склалася ў калiфарнiйскай турме Сан-Квенцiн, дзе нечакана прыйшлося адкласцi на няпэўны тэрмiн пакаранне смерцю Майкла Маралеса, асуджанага за забойства.

Ва ўсёй Калiфорнii пакуль не ўдалося знайсцi нiводнага ўрача-анестэзiёлага або медсястру, якiя б згадзiлiся зрабiць Маралесу смяротную iн’екцыю. Смяротнае пакаранне ў Калiфорнii ажыццяўляецца шляхам iн’екцыi прыгаворанаму трох хiмiчных злучэнняў. Але адвакаты Маралеса заявiлi, што такi метад пакарання з’яўляецца негуманным, паколькi чалавек адчувае страшны боль ад уздзеяння другога i трэцяга прэпаратаў. Яны запатрабавалi, каб прафесiянал-анестэзiёлаг зрабiў спачатку Маралесу iн’екцыю прэпарата, якi б увёў яго ў беспрытомны стан, а потым былi б уведзены прэпараты, што выклiкаюць смерць. Суддзя пагадзiўся з адвакатамi, але два назначаныя судом анестэзiёлагi адмовiлiся выканаць гэту мiсiю. «Нам не ўдалося знайсцi медработнiка, якi згадзiўся б увесцi ўнутрывенна прэпарат, якi паклаў бы канец жыццю», — заявiў прадстаўнiк турмы Сан Квенцiн. На пошукi ж неабходнага ўрача могуць пайсцi месяцы.

ТУРЫСТКА-СТРЫПТЫЗЁРША

У мiжнародным аэрапорце Канкуна ў Мексiцы затрымана дзяўчына, якая спрабавала зарабiць на бiлет стрыптызам.

Як устанавiла палiцыя, турыстка з Лiтвы, па ўсёй бачнасцi, не разлiчыла бюджэт паездкi i засталася без грошай на зваротную дарогу. Проста жабраваць дзяўчыне, мабыць, не дазволiла ганарлiвасць, i яна вырашыла зарабiць грошы сумленнай працай, а менавiта — стрыптызам. Палiцыя на час закрыла аддзяленне Канкунскага аэрапорта, у якiм распраналася турыстка, пасля чаго дзяўчыну арыштавалi. «Яна стала распранацца прама перад групай турыстаў, якiя чакалi свайго рэйса, чым вельмi iх збянтэжыла», — расказаў работнiк аэрапорта, якi стаў сведкам здарэння.

Падрыхтаваў Iгар РЫГОРАЎ.