Футбол

Источник материала:

Адбылiся чарговыя першыя матчы 1/8 Лiгi чэмпiёнаў: «Чэлсi» — «Барселона» — 1:2, «Вердэр» — «Ювентус» — 3:2, «Аякс» — «Iнтэр» — 2:2, «Рэйнджэрс» — «Вiльярэал» — 2:2.

ГЛЕБ АПРАНУЎ ЖАЎНОВА

У час матча 1/8 Лiгi чэмпiёнаў памiж «Рэалам» i «Арсеналам» на стадыёне знаходзiўся галкiпер «Масквы» i нацыянальнай зборнай Юрый Жаўноў. Пасля перамогi лонданскай каманды беларускi глядач меў зносiны з Аляксандрам Глебам. Размова суайчыннiкаў скончылася карысным падарункам ад iграка «Арсенала»: Глеб прэзентаваў Жаўнову сваю футболку.

«ЛАКАМАТЫЎ» СПЫНIЎСЯ

Адбылiся матчы ў адказ 1/16 фiналу Кубка УЕФА. На гэтай стадыi розыгрышу з астатнiмi ўдзельнiкамi развiтаўся маскоўскi «Лакаматыў», дзе гуляюць два беларускiя Сяргеi — Гурэнка i Амельянчук: «чыгуначнiкi» двойчы ўступiлi «Севiльi».

Вынiкi сустрэч: «Палерма» (Iталiя) — «Славiя» (Чэхiя) — 1:0, «Рапiд» (Румынiя) — «Герта» (Германiя) — 2:0, «Леўскi» (Балгарыя) — «Артмедыя» (Славакiя) — 2:0, «Сцяўа» (Румынiя) — «Херанвен» (Галандыя) — 0:1, «Шахцёр» (Украiна) — «Лiль» (Францыя) — 0:0, «Гамбург» (Германiя) — «Тун» (Швейцарыя) — 2:0, «Страсбур» (Францыя) — «Лiтэкс» (Балгарыя) — 0:0, «Мiдлсбро» (Англiя) — «Штутгарт» (Германiя) — 0:1, «Марсэль» (Францыя) — «Болтан» (Англiя) — 2:1, «Монако» (Францыя) — «Базэль» (Швейцарыя) — 1:1, «Ланс» (Францыя) — «Удзiнэзэ» (Iталiя) — 1:0, «Алкмар» (Галандыя) — «Бецiс» (Iспанiя) — 2:1, «Рома» (Iталiя) — «Бруге» (Бельгiя) — 2:1, «Эспаньол» (Iспанiя) — «Шальке» (Германiя) — 0:3, «Севiлья» (Iспанiя) — «Лакаматыў» (Расiя) — 2:0, «Зенiт» (Расiя) — «Русенборг» (Нарвегiя) — 2:1.

Пары 1/8 Кубка УЕФА: «Рапiд» — «Гамбург», «Базэль» — «Страсбур», «Мiдлсбро» — «Рома», «Сцяўа» — «Бецiс», «Палерма» — «Шальке», «Марсэль» — «Зенiт», «Удзiнэзэ» — «Леўскi», «Лiль» — «Севiлья». Першыя матчы адбудуцца 9 сакавiка, у адказ — 15—16 сакавiка.

КАМПРАМIСАМ СТАНЕ ЖАРАБ’ЕЎКА

Зборныя адборачнай групы «Е» чэмпiянату Еўропы-2008 (Расiя, Англiя, Харватыя, Эстонiя, Андора, Iзраiль, Македонiя) не змаглi саставiць каляндар гульняў. Аднак выхад з гэтай сiтуацыi знайшоўся: дапаможа жараб’ёўка, якая адбудзецца 2 сакавiка.

ЛIГА ДЛЯ ТРОХ ДЗЯРЖАЎ

Футбольныя саюзы Эстонii, Латвii i Лiтвы вядуць перамовы наконт стварэння Балтыйскай лiгi. Канчатковае рашэнне будзе прынята 2 сакавiка на сустрэчы ў Рызе. Сезон Балтыйскай лiгi, калi ўсе бакi дамовяцца, пачнецца ў 2007-м.