Юрфак БДУ абаранiў сваю рэпутацыю

Источник материала:

Так, у камандным залiку студэнты юрфака БДУ занялi першае i другое месцы. Трэцяе ганаровае месца — у каманды Беларускага дзяржаўнага эканамiчнага унiверсiтэта. А ў iндывiдуальным залiку перамогу святкавалi Надзея Газдзюк, Мiхаiл Чыкiлёў i Iрына Галубенка (адпаведна, першае, другое i трэцяе месцы). Усе яны таксама з’яўляюцца студэнтамi юрыдычнага факультэта.

Трэба зазначыць, што студэнцкая юрыдычная алiмпiяда праводзiцца ў Беларусi ўсяго ў другi раз. I камандныя, i iндывiдуальныя ўдзельнiкi праходзяць спачатку завочны адбор, а затым — вочныя конкурсныя выпрабаваннi. У вочныя туры алiмпiяды былi дапушчаны 12 каманд з БДУ, БДЭУ, Мiнс-кага iнстытута кiравання, Мiжнароднага iнстытута працоўных i сацыяльных адносiнаў і іншых ВНУ.

Заданнi, прапанаваныя ўдзельнiкам алiмпiяды, ахоплiвалi самыя розныя сферы дзейнасцi юрыстаў: гэта i падрыхтоўка экспертнага заключэння на праект нарматыўнага прававога акта, i падрыхтоўка праекта юрыдычнага акта, работа з даведачнымi прававымi базамi...

Удзельнiкаў алiмпiяды ацэньвала надзвычай кампетэнтнае журы, у склад якога ўвайшлi суддзi Вярхоўнага, Канстытуцыйнага, Вышэйшага гаспадарчага судоў Рэспублiкi Беларусь. Адным словам, перамога ў такiх спаборнiцтвах дорага каштуе...