Кiраўнiк мiсii назiральнiкаў ад СНД Уладзiмiр Рушайла пабываў на Гродзеншчыне

Источник материала:

— Мы пачалi назiранне за падрыхтоўкай i ходам перадвыбарнай кампанii не за месяц, як раней, а за два месяцы да выбараў, — паведамiў Уладзiмiр Рушайла журналiстам. — Зрабiлi гэта для таго, каб атрымаць больш аб’ёмныя ўражаннi. Напэўна, упершыню з пункту гледжання методыкi мы арганiзавалi назiранне з выездам кiраўнiкоў мiсii ва ўсе рэгiёны Беларусi. На цяперашнi час у нас працуюць 43 доўгатэрмiновыя назiральнiкi. Наогул Цэнтрвыбаркамам Беларусi ад мiсii СНД па стану на 13 сакавiка акрэдытаваны 434 назiральнiкi. У састаў мiсii ўваходзяць прадстаўнiкi i выбарчых камiсiй усiх узроўняў, i заканадаўчых органаў, i выканаўчай улады. I непасрэдна за дзень-два да 19 сакавiка ў Беларусь прыедуць яшчэ i прадстаўнiкi прыгранiчных тэрыторый... У цэлым хацеў бы адзначыць, што абстаноўка спакойная, дзелавая. Цяпер мы глядзiм, як iдзе перадвыбарная агiтацыя. Мы назiралi i за тым, як складалiся спiсы выбаршчыкаў, як iшла работа па фармiраванню выбарчых камiсiй усiх узроўняў. Асобна была пастаўлена задача звяртаць увагу i актыўна рэагаваць на ўсе скаргi i заявы, ад каго б яны нi зыходзiлi.