Главная
Гороскопы
Усё пра ўсынаўленне i не толькi
У вашым сэрцы дастаткова любовi яшчэ на аднаго члена сям’i? Вы адчуваеце, што яно ўжо недзе ёсць — ваша дзiця, i не важна, хто яго нарадзiў? Вы жадаеце хоць нешта зрабiць, каб паменшыць колькасць дзiцячых крыўд на гэтай зямлi? Вы ўпэўненыя, што ў вас хопiць сiл, каб прытулiць i адагрэць некалькi гаротных душ? Але вы не ведаеце, як i з чаго пачаць? А можа проста не рашаецеся зрабiць першы крок? Сёння ў вас з’явiлася магчымасць задаць любое пытанне, якое датычыцца ўладкавання дзяцей-сiрот у сям’ю. Вам будуць адказваць спецыялiсты Нацыянальнага цэнтра ўсынаўлення Мiнiстэрства адукацыi Рэспублiкi Беларусь.
Вы зможаце даведацца: якiя iснуюць формы ўладкавання дзяцей; якая працэдура падрыхтоўкi грамадзян на прыняцце дзяцей; якiя гэта дзецi; якiя льготы захоўваюцца за гэтымi дзецьмi; хто можа ўсынавiць, узяць дзiця пад апеку, стварыць дзiцячы дом сямейнага тыпу, прыёмную сям’ю; а таксама любыя iншыя пытаннi на гэту тэму. На «прамой лiнii», акрамя юрыста i намеснiка дырэктара, будзе працаваць псiхолаг Нацыянальнага цэнтра ўсынаўлення, якi раскажа пра «ўнутраны» бок гэтай благаславёнай Богам справы (якiя асаблiвасцi псiхiкi такiх дзяцей, казаць цi не казаць iм праўду пра iх з’яўленне на свет, якiя тыповыя праблемы ва ўзаемаадносiнах i гэтак далей). «Прамая лiнiя» адбудзецца 7 красавiка, у пятнiцу, з 13 да 14 гадзiн па рэдакцыйных тэлефонах: (8-017) 292-38-21 i 292-38-92. Папярэднiя пытаннi можна задаць па тэлефоне (8-017) 287-18-69 або даслаць на адрас рэдакцыi.
Чтобы разместить новость на сайте или в блоге скопируйте код:
На вашем ресурсе это будет выглядеть так
У вашым сэрцы дастаткова любовi яшчэ на аднаго члена сям’i? Вы адчуваеце, што яно ўжо недзе ёсць — ваша дзiця, i не важна, хто яго нарадзiў? Вы жадаец
|
|