Беларусь i «Франсабанк» маюць намер развiваць узаемавыгаднае iнвестыцыйнае супрацоўнiцтва

Источник материала:

Госць з Лiвана падкрэслiў, што Беларусь з’яўляецца краiнай, у эканомiку якой можна iнвесцiраваць грошы з улiкам палiтычнай i эканамiчнай стабiльнасцi.

«Цяпер у рэгiёне Блiзкага Усходу акумулiравалiся даволi вялiкiя грошы з-за вельмi высокай цаны на нафту. Гэтыя сродкi можна iнвесцiраваць у краiны i рэгiёны, дзе iснуе палiтычная i эканамiчная стабiльнасць. На самай справе не так шмат месцаў, дзе адзначаецца такая стабiльнасць», — заявiў Аднан Касар. Паводле яго пераканання, Беларусь менавiта такая дзяржава, што стабiльна развiваецца.

Аляксандр Лукашэнка нагадаў, што ў час свайго вiзiту ў 2005 годзе ў Лiван прапанаваў Аднану Касару пабываць у Беларусi, вывучыць сiтуацыю тут i пасля гэтага, у выпадку спрыяльных вывадаў, прыняць рашэнне аб укладаннi сродкаў у эканомiку нашай краiны.

Кiраўнiк «Франсабанка» двойчы наведваў нашу рэспублiку, застаўся задаволены ўбачаным i выказаўся за супрацоўнiцтва з Беларуссю. Аляксандр Лукашэнка вiтаў рашэнне бiзнэсмена.

«Цiкавым для Беларусi з’яўляецца такi напрамак супрацоўнiцтва, як аб’яднанне намаганняў дзяржавы i багатых замежных iнвестараў для ажыццяўлення сумесных праектаў у трэцiх краiнах», — заявiў у ходзе сустрэчы прэзiдэнт. Замежны госць падтрымаў гэту прапанову.

Бакi абмеркавалi розныя аспекты двухбаковага супрацоўнiцтва, пытаннi прыцягнення iнвестыцый банкаўскай групы «Франсабанк» у эканомiку Беларусi i рэалiзацыi iншых сумесных праектаў.

Закрануўшы нядаўнiя прэзiдэнцкiя выбары ў нашай краiне, Аднан Касар адзначыў: «Для нас надзвычай важныя вынiкi праведзеных выбараў. Яны паказалi рашучасць народа Беларусi адстойваць стабiльнасць у сваёй краiне. Гэта добры адказ тым, у каго былi нейкiя сумненнi i пытаннi наконт выбараў».

Прэс-служба Прэзiдэнта Рэспублiкi Беларусь.