Знесцi гараж — не поле перайсцi...

Источник материала:

СIТУАЦЫЯ

Але ж гараж паставiлi, бо на такую пабудову меў права iнвалiд Вялiкай Айчыннай вайны, якi пражываў у доме насупраць. I ўсё было нiчога, пакуль чалавек ставiў машыну, даглядаў гараж, трымаў яго на замку. Але ветэран даўно памёр, i гараж паступова ператварыўся ў склад смецця i прыстанiшча бамжоў. Нядобрасумленныя гараджане часам выкiдаюць там бытавыя адходы. Вечарам бамжы i iм падобныя наладжваюць у закiнутым памяшканнi свае гульбiшчы. Нiчога няма дзiўнага ў тым, што аднойчы ў гаражы здарыўся пажар. Праўда, пажарнае падраздзяленне прыбыло ў лiчаныя хвiлiны i даволi хутка агонь патушылi. Але ж смуроду хапiла на ўсю ваколiцу. Потым паступова звалка зноў пачала набываць свае прывычныя рысы. На канiкулах неблаганадзейнае месца не абмiналi шкаляры...

Жанчыны расказвалi, што звярталiся ў ЖЭС-7, але там праблему вырашаць адмовiлiся па той прычыне, што зямля, на якой стаiць гараж, належыць кааператыву. Дарэчы, сын гаспадара злашчаснай пабудовы жыве ў кватэры бацькi, але наўрад цi можна яго назваць дастойным нашчадкам ветэрана вайны. Пры наяўнасцi жылплошчы мужчына даўно стаў напаўбамжом, а кватэру ператварыў у прытон для сабе падобных. На тое, што сын як-небудзь распарадзiцца маёмасцю бацькi, таксама надзеi няма. Кiраўнiцтва кааператыва дома 336/2 не бярэцца знесцi гараж, бо да яго ўзвядзення не мела нiякага дачынення i гаспадар пабудовы не быў членам кааператыва.

«Няўжо ж гэта такое замкнёнае кола, i нi ў кога не хопiць нi сiлы, нi ўлады, каб прыпынiць iснаванне абрыдлага нам «расаднiка» антысанiтарыi?» — каторы раз задаюць амаль рытарычнае пытанне жыхары.

Карэспандэнт газеты таксама спачатку патурбавала службовых асоб па названых ужо адрасах, але без станоўчых вынiкаў. Тады я папрасiла першага намеснiка кiраўнiка адмiнiстрацыi Маскоўскага раёна Брэста Васiля Панасюка патлумачыць, хто ж усё-такi павiнен заняцца гэтай праблемай. Васiль Iгнатавiч паабяцаў ва ўсiм разабрацца. I лiтаральна праз дзень спецыялiст аддзела архiтэктуры адмiнiстрацыi раёна Iрына Васкабойнiкава паведамiла, што яна падрыхтавала неабходныя дакументы, а менавіта праект пастановы гарвыканкама на знос злашчаснага гаража. Пасля таго, як адпаведнае рашэнне будзе прынята, жалезную пабудову дэманцiруюць i вывезуць работнiкi жыллёва-камунальнай гаспадаркi горада. Будзем спадзявацца, што з дапамогай газеты адзiн з двароў горада над Бугам стане больш чыстым i прывабным.