Главная
Гороскопы
Стары дом у сельскай мясцовасцi можна выкупiць за адну базавую велiчыню
Таццяна ЛОБАС, БЕЛТА
У сельскай мясцовасцi наводзiцца парадак у адносiнах да старых дамоў і дамоў, якiя не выкарыстоўваюцца. У адпаведнасцi з указам № 70 пры выяўленнi старых дамоў выканкамы павiнны накiраваць уласнiкам прадпiсанне прывесцi дом у належны стан i ўстанавiць для гэтага тэр-мiн, якi не перавышае дванаццацi месяцаў.
У выпадку невыканання прадпiсання такi дом лiквiдуецца. Стары дом забiраецца шляхам яго выкупу або продажу з публiчных таргоў без пераходу правоў на зямельны ўчастак. У рамках рэалiзацыi ўказа прэзiдэнта Савет Мiнiстраў пастановай № 434 устанавiў парадак аб знiжэннi пачатковай цаны продажу такiх дамоў. Паводле слоў намеснiка старшынi Камiтэта па зямельных рэсурсах, геадэзii i картаграфii Аляксандра Лiтрэева, пачатковая цана продажу можа быць панiжана мясцовымi выканаўчымi i распарадчымi органамi да 50% пасля першых безвынiковых таргоў, а пасля другiх — на 80%. Непрададзеныя старыя дамы могуць быць зноў выстаўлены на публiчныя таргi з устанаўленнем пачатковай цаны продажу, роўнай адной базавай велiчынi. Такiм чынам, старыя дамы могуць быць разабраны на дровы, а тэрыторыя прыведзена ў парадак. Аляксандр Лiтрэеў нагадаў, што да старых адносяцца дамы, якiя не адпавядаюць санiтарна-тэхнiчным патрабаванням i непрыгодныя для пражывання. Старым лiчыцца таксама дом, калi яго ўласнiк на працягу апошняга года не пражывае ў iм i не прымае мер па прывядзенню яго ў належны стан. На 1 студзеня 2006 года ў сельскай мясцовасцi налiчвалася 35 тыс. старых дамоў.
Чтобы разместить новость на сайте или в блоге скопируйте код:
На вашем ресурсе это будет выглядеть так
У сельскай мясцовасцi наводзiцца парадак у адносiнах да старых дамоў і дамоў, якiя не выкарыстоўваюцца
|
|