Iнтэграцыяй па наркатрафiку

Источник материала:

Супрацоўнiцтва

Такое рашэнне было прынята падчас пасяджэння Савета камандуючых пагранiчных войскаў дзяржаў — удзельнiц СНД, якое адбылося ў Мiнску. Паводле слоў начальнiка Каардынацыйнай службы Савета Аляксандра Манiлава, у сувязi з тым, што з 1 студзеня гэтага года ўчастак таджыкска-афганскай мяжы ўжо не ахоўваюць расiйскiя пагранiчнiкi, ёсць небяспека павелiчэння наркатрафiку. Таму i было прынята рашэнне аб правядзеннi згаданай спецаперацыi, у якой самы актыўны ўдзел возьмуць пагранiчнiкi Кыргызстана, Расii, Таджыкiстана i Узбекiстана. Генерал Манiлаў паведамiў таксама, што асноўная «плынь» ( прыкладна 55 працэнтаў ад агульнай колькасцi ) афганскага гераiну iдзе ў краiны СНД i ў Заходнюю Еўропу праз Пакiстан i Iран, праз Туркменiстан i Узбекiстан правозiцца каля 35 працэнтаў «белай смерцi» i 15 працэнтаў наркатрафiку iдзе праз Таджыкiстан.

Старшыня Дзяржкамiтэта пагранiчных войскаў Беларусi Аляксандр Паўлоўскi засяродзiў увагу на праблеме пастаўкi ў нашу краiну i ў iншыя дзяржавы Усходняй Еўропы сiнтэтычных наркотыкаў. Паводле слоў галоўнага беларускага памежнiка «сiнтэтычная атрута» ў асноўным вырабляецца ў Польшчы i па сваёй небяспецы пераўзыходзiць раслiнныя наркотыкi азiяцкага паходжання.

Варта адзначыць, што нарка-трафiк — не адзiная праблема, якую абмяркоўвалi кiраўнiкi пагранiчных служб дзяржаў СНД. На юбiлейным, 55-м пасяджэннi Савета камандуючых пагранiчных войскаў было разгледжана 18 вельмi актуальных для вартавых мяжы пытанняў i падпiсана больш за 20 дакументаў.