ЗВАРОТ

Источник материала:

З дня аварыi на Чарнобыльскай атамнай электрастанцыi 26 красавiка 2006 года прайшло 20 гадоў. Гэта буйнейшая тэхнагенная радыяцыйная катастрофа ХХ стагоддзя па маштабах шкоды i наступстваў.

У сувязi з трагiчнай датай кiраўнiкi дзяржаў — удзельнiц Садружнасцi Незалежных Дзяржаў звяртаюцца да народаў дзяржаў — удзельнiц Садружнасцi, да дзяржаў — членаў Арганiзацыi Аб’яднаных Нацый, да ўсёй сусветнай супольнасцi з напамiнам аб наступствах чарнобыльскай аварыi.

У вынiку аварыi мiльёны людзей перажылi шок ад бедства, якое з цяжкасцю ўсведамлялi i ад якога не маглi абаранiцца. Многiя сем’i пазбавiлiся жылля, страцiлi крынiцу iснавання, iм давялося змянiць звыклае асяроддзе пражывання i лад жыцця.

Маштабы катастрофы маглi стаць невымерна большымi, калi б не мужнасць i самаадданасць соцень тысяч удзельнiкаў лiквiдацыi наступстваў аварыi на Чарнобыльскай АЭС — нашых суайчыннiкаў. Рызыкуючы жыццём, здароўем, яны выканалi свой доўг i абаранiлi людзей ад згубнага ўздзеяння i далейшага распаўсюджання радыяцыi.

Нягледзячы на надзвычайна затратныя меры, прынятыя па гарачых слядах катастрофы i ў наступныя гады, Чарнобыльская АЭС працягвае заставацца патэнцыяльнай крынiцай небяспекi ў цэнтры Еўропы. Мiнiмiзацыя гэтай пагрозы ў блiжэйшы час i на аснове навейшых тэхналогiй адпавядае агульным iнтарэсам. У гэтай сувязi неабходна цэнтралiзаванае прыцягненне навукова-тэхнiчнага i фiнансавага патэнцыялу ўсёй сусветнай супольнасцi да праблемы павышэння бяспекi аб’екта «Укрыцце».

Важнейшай праблемай пераадолення наступстваў гэтай страшнай катастрофы на сучасным этапе з’яўляецца комплексная радыяцыйная i сацыяльна-эканамiчная рэабiлiтацыя пацярпеўшых тэрыторый.

У цяперашнi час пацярпеўшыя рэгiёны знаходзяцца ў асаблiва складаных умовах, выклiканых разбурэннем экалагiчнай iнфраструктуры, адтокам працоўных рэсурсаў, дэмаграфiчнымi праблемамi. Стан навакольнага асяроддзя пасля аварыi на Чарнобыльскай АЭС абмяжоўвае ўмовы жыццядзейнасцi насельнiцтва. Асаблiвую трывогу выклiкае стан здароўя як тых, хто пражывае на пацярпеўшых тэрыторыях, так i лiквiдатараў аварыi.

Дасягненне галоўнай мэты рэабiлiтацыi — устойлiвага развiцця пацярпеўшых рэгiёнаў i рэальнага эканамiчнага iх адраджэння — патрабуе новых падыходаў, навукова абгрунтаваных рашэнняў, значных матэрыяльных затрат i, як вынiк, фiнансавага, тэхнiчнага i навуковага садзейнiчання з боку мiжнароднай супольнасцi.

Усведамляючы беспрэцэдэнтнасць наступстваў чарнобыльскай аварыi, уплыў iх на многiя пакаленнi, аддаючы данiну памяцi загiнуўшым i тым, хто страцiў здароўе ў вынiку катастрофы на Чарнобыльскай АЭС, мы заяўляем аб сваёй рашучасцi прыкласцi максiмум намаганняў для мiнiмiзацыi яе наступстваў.