Хто з’еў майго хека?

Источник материала:

Вось канкрэтныя факты, прадастаўленыя прэс-службай камiтэта па Гомельскаму гарадскому i Калiнкавiцкаму СПЦ: працэнт выканання нормы па садавiне складаў адпаведна 2 i 71, у Гомельскiм раённым СПЦ на морапрадуктах — 12 працэнтаў, птушцы — 67, мясе — 63, у Мазырскiм гарадскiм СПЦ па птушцы — 15,3, садавiне — 23, мясу — 40,6, рыбе — 36,7 працэнта.

Увачавiдкi, як гаворыцца, адступленне ад натуральных i грашовых нормаў на харчаванне падлеткаў, хоць па некаторых вiдах прадуктаў у Гомельскiх раённым i гарадскiм i Калiнкавiцкiм цэнтрах мелася эканомiя фiнансавых сродкаў па расходах на харчаванне.

Выяўлены таксама неабгрунтаваныя расходы на ўтрыманне звышштатных адзiнак сацыяльных педагогаў i педагогаў-псiхолагаў у Гомельскiм гарадскiм СПЦ за сёлетнiя студзень i люты ў суме 796 тысяч рублёў i страты ў 5,7 мiльёна рублёў за адзiн месяц 2005 года, налiчаныя на заработную плату работнiкам цэнтра, якiя былi скарочаны ва неўстаноўленыя тэрмiны. Акрамя таго, тут неабгрунтавана была выкарыстана 641 тысяча бюджэтных грошай.

Да ўпушчэнняў кiраўнiка названага, а таксама Калiнкавiцкага СПЦ адносiцца i тое, што яны «несвоечасова прадстаўлялi ў орган, якi выплачвае пенсii, звесткi аб перадачы непаўналетнiх у цэнтры на поўнае дзяржаўнае забеспячэнне, i гэта прывяло да пераплаты пенсiй з выпадку страты кармiльцаў i дзiцячай дапамогi на агульную суму 3,6 мiльёна рублёў.

Усё гэта з’явiлася вынiкам таго, што мясцовыя аддзелы адукацыi як след не кантралявалi дзейнасць указаных СПЦ.