«Срэбра» беларускага барца

Источник материала:

Спорт-тайм

Англiйскi характар супраць iспанскай тэхнiкi

Паўфiнальны матч Кубка УЕФА памiж «Мiдлсбро» i «Сцяўа» стаў сапраўдным упрыгожваннем турнiру. Летась «Лiверпуль» неверагодна адыграў у «Мiлана» фору ў тры мячы i перамог у серыi пенальцi. I вось сёлета аўтарам чарговай сенсацыi стала каманда, якая займае 14-ы радок у чэмпiянаце Англii. «Сцяўа» падчас паядынку ў адказ давяло сваю перавагу да трох мячоў, тым самым вымушаючы англiчан забiваць чатыры. Што тыя i зрабiлi, заканчваючы матч з чатырма нападаючымi. Вынiковы лiк — 4:2 на карысць «Мiдлсбро». У другiм паўфiнальным матчы «Севiлья» перамагла «Шалоне-04», дзякуючы голу ў дадатковы час. У фiнальным матчы, якi адбудзецца 10 мая ў Эйндховене, сустрэнуцца «Мiдлсбро» i «Севiлья».

Дзіцячаму каратэ — шырокую дарогу

Адбылося Адкрытае першынство Беларускай Асацыяцыi каратэ-до Акiнава Годзю-Ру, прысвечанае памяцi выратавальнiкаў-пажарных, загiнуўшых пры лiквiдацыi аварыi на ЧАЭС. Мiжнародныя спаборнiцтвы сабралi вялiкую колькасць удзельнiкаў — больш за 600 спартсменаў як з Беларусi, так i з замежных краiн. У госцi да нас прыехалi юныя каратысты з Расii, Латвii, Эстонii i Малдовы. Не абышлося без прыемных сюрпрызаў: бацькi дзяцей, якiя прыйшлi пабалець за сваiх сыноў i дачок, у адзiны момант пе- раўтварылiся ў спартсменаў i самi выйшлi на татамi памерацца сiламi. Кароткi каментарый па турнiру даў кiраўнiк асацыяцыi Годзю-Ру i галоўны суддзя спаборнiцтваў Вiктар Грыневiч: «Спаборнiцтвы арганiзаваны на вельмi высокiм узроўнi. Узровень развiцця каратэ на Беларусi даволi высокi, нягледзячы на тое, што ўсё фiнансаванне заснавана пакуль што на «голым» энтузiязме».